Të martën marina amerikanë nisi të nxjerrin nga thellësitë e oqeanit Atlantik, pjesë të balonës spiune kineze. Ata po përdorin dronë të sofistikuar për të zbuluar dhe gjetur mbetjet e saj. Pasi arritën të nxjerrin strukturën rrethuese të balonës që pluskonte në sipërfaqen e oqeanit, marina amerikane po zhvillon kërkime në thellësi për mbledhjen e mbetjeve të balonës gjigante të asgjësuar me një raketë lëshuar nga një avion luftarak të shtunën në brigjet e Karolinës së Jugut, thanë zyrtarët.
Ekipe të marinës amerikane dhe rojës bregdetare po përdorin dronë nënujorë për të gjetur dhe përcaktuar zonën ku janë fundosur mbetjet e balonës. Mbetjet e mbledhura po dërgohen në disa qendra dhe prej aty do të dërgohen në laboratorët e FBI-së në Virxhinia apo qendra të tjera, ku do të analizohen nga ekspertët, thanë zyrtarët në kushte anonimiteti. Shefi i Komandës Veriore të Shteteve të Bashkuara, Gjenerali Glen VanHerck, i cili drejton përpjekjet, dhe disa zyrtarë të administratës së Presidentit Biden do të informojnë ligjvënësit amerikanë të mërkurën dhe të enjten.
Ligjvënësit kanë ngritur një sërë pikëpyetjesh, nëse balona ishte në gjendje të mblidhte të dhëna sekrete dhe t’i transmetonte ato në Kinë gjatë kohës që udhëtoi drejt lindjes nëpër Shtetet e Bashkuara, pasi kaloi kufirin nga Kanadaja në Idaho.
Zyrtarët e Shtëpisë së Bardhë dhe Pentagonit nuk kanë dhënë detaje mbi aftësitë e balonës. Zyrtarët amerikanë thanë të martën se ishin shumë të vetëdijshëm për vendet ku kaloi balona, përfshirë bazat e raketave bërthamore dhe isntalime të tjera ushtarake, dhe se kishin masa mbrojtëse kundër mbledhjes së të dhënave sekrete.
Edhe nëse balona ishte në gjendje të transmetonte të dhëna, thanë ata, ajo nuk po merrte ndonjë informacion të ri apo të rëndësishëm. Ata nuk dhanë detaje lidhur me të dhënat e mbledhura mbi aftësitë e balonës për mbledhjen e të dhënave dhe transmetimin e tyre.
Balona, rreth 60 metra e lartë, mbante poshtë saj një paketë të gjatë me sensorë, për të cilën Gjenerali VanHerck tha se ishte sa madhësia një avioni të vogël rajonal. Ekipet amerikane të kundërzbulimit shpresojnë të mësojnë shumë më tepër për sensorët dhe pajisjet e tjera të balonës, ndërsa i gjejnë dhe studiojnë ato./VOA
Lajme të tjera
-
SHBA bllokon nismën për anëtarësimin e territoreve palestineze në OKB
19 Prill, 07:48 -
Skandal bastesh në NBA, basketbollisti përjashtohet përjetë
18 Prill, 19:30 -
Dhoma e Përfaqësuesve voton këtë javë për ndihmën për Ukrainën dhe Izraelin
18 Prill, 09:33 -
Sondazhi i Gallup: Vazhdon të bjerë besimi tek institucionet amerikane
17 Prill, 16:27 -
Meta sulmon sërish Dumanin: Më ke çuar njerëz që të iki nga Shqipëria! SHBA të ka thënë më fut në burg, nga qelia do e shkrij atë celulë kriminale
17 Prill, 11:13 -
SHBA, BE dhe Britania dënojnë sulmet e Metës ndaj kreut të SPAK: Krah drejtësisë, mbështesim ata që do t’i japin fund pandëshkueshmërisë
17 Prill, 08:43 -
Sulmi ndaj Izraelit, SHBA dhe BE gati sanksionet e reja ndaj Iranit! Blinken bisedë me kryeministrin e Katarit: Duhet shmangur përshkallëzimi
17 Prill, 08:04 -
SHBA/ Kongresi dërgon në Senat akuzat për shkarkimin e Sekretarit të Sigurisë Kombëtare, detyrojnë zhvillimin e një gjyqi
17 Prill, 07:31 -
Komisioni i Senatit miraton kandidaturën e ambasadorit të ri amerikan në Shqipëri, David J. Kostelancik
16 Prill, 20:52 -
Gjykata e Lartë shqyrton vlefshmërinë e një prej akuzave të 6 janarit
16 Prill, 18:18 -
Lufta në Ukrainë/ Presidenti kinez i paraqet Scholz-it “katër parimet” për paqen! Zelenskyy thirrje aleatëve: Dëshmoni për Ukrainën unitetin që treguat për Izraelin
16 Prill, 12:37 -
NASA: Objekti që goditi një shtëpi në Florida erdhi nga Stacioni Hapësinor
16 Prill, 11:16
