Rrëzimi i dekretit për Kodin Zgjedhor/ Meta: Deputetët votuan bllokimin e integrimit! Prej 20 muajsh kemi parlament monopartiak, më 25 prill ftoj popullin për referendum

Presidenti Ilir Meta i cili më herët u shpreh kundër vendimit të Kuvendit për të rrëzuar dekretin e tij, në një deklaratë të dhënë për media pak më patë ka thënë se fton popullin për një referendum më 25 prill.

"Sot shoqëria civile publikon nismën e saj për referendum dhe pro/ligjin për referendum. Pra, se si të konkretizohet ky detyrim kushtetues, që për dy vite i është mohuar popullit shqiptarë në mënyrën më të pabesë. Dje, kryeministri ftoi shqiptarët më 25 prill në një referendum të jashtëzakonshëm. Jam i sigurt që gjithë shqiptarët do të marrin pjesë në referendumin e 25 prillit dhe të gjithë do të votojnë për Shqipërinë në Evropë. Ftoj qytetarët në referendum në 25 prill" , tha Meta.

Presidenti Ilir Meta i ka bërë thirrje Kuvendit që të miratojë nismën e referendumit, të cilën e quan armë në dorë të popullit.

"Tani skemi kuadër ligjor për të bërë të mundur referend. Situata mund të ndryshojë kur populli të marrë në dorë politikanët dhe jo politikanët popullin. Kjo nismë është zgjim i shoqërisë civile sepse është një nismë e madhe.

Në momentin që populli ka të drejtën e referndiumit ata si bëjnë ligje . Shpresoj që ky Kuvend të bëjë një punë të mirë dhe ta miratojë këtë ligj sipas të gjitha përcaktimeve që ju i keni bërë ligjit.

O tani o kurrë. Unë jam i bindur që kjo do ndodhë, në mos çështje pak muajsh ose shumë muajsh. Brenda vitit që vjen e kemi për detyrë të instalojmë këtë ligj", tha Meta.

Presidenti Ilir Meta thotë se Kushtetuta e Shqipërisë duhet të ndryshojë për të mos lejuar më parlamentin të ndryshojë atë, pa miratimin popullor përmes një referendumi.

“Asgjë e mirë, e sigurt, afatgjatë, europiane, nuk do të ndodhë në Shqipëri, pa u miratuar ligji për referendum. Dhe pa u bërë një ndryshim në Kushtetutë që Kushtetuta nuk mund të ndryshohet kurrsesi as nga 140 deputetë të ligjshëm, por çdo ndryshim duhet bërë me referendum. Nuk besoj se pas 22 vitesh kemi më arsye t’i besojmë çdo politikani, përfshirë edhe presidentin aktual.

Vetë Kushtetuta jonë u miratua me referendum nga populli. Precedenti i parë ishte ai i vitit 2008, i cili i dha goditje në zemër sistemit parlamentar dhe kjo na çoi nga demokracia parlamentare në demokracinë e kryetarëve. Kjo është arsyeja pse dje 97 copë deputetë refuzuan apelin e BE dhe votuan bllokimin e çeljes së negociatave jo deri më 25 prill, se është e padiskutueshme, por deri në zgjedhjet e tjera pas atyre të 25 prillit”, tha Meta i pranishëm në një tryezë të organizuar nga shoqëria civile, të quajtur “Nisma kombëtare për Referendum”.