Rriten eksportet e mallrave me 33 mld lek në shtator 2021 krahasuar me të njëjtë periudhë të 2020! Zgjerohet deficiti tregtar në vend

Muaji shtatori 2021 sipas INSTAT ka shënuar një rritje të lartë të eksporteve dhe edhe importeve të mallrave. Të dhënat tregojnë se në Shtator 2021 eksportet e mallrave arritën vlerën 33 mld lekë, duke u rritur me 31,1 %, në krahasim me të njëjtën periudhë të një viti më parë dhe me 39,4 %, në krahasim me Gusht 2021. Dhe rritja e importet e mallrave nuk rrinë pas, ku arritën vlerën 69 mld lekë, duke u rritur me 31,6 %, në krahasim me një vit më parë dhe me 13,4 %, në krahasim me Gusht 2021.

Kjo ka sjellë dhe rritje të defiçitit tregtar, ku për muajin shtator u rrit me 32% krahasuar me të njëjtën periudhë të një viti më parë

Në 9 muaj eksportet e mallrave arritën vlerën 266 mld lekë, duke u rritur me 36,5 %, ndërkohë importet e mallrave arritën vlerën 556 mld lekë, duke u rritur me 29,6 %, krahasuar me një vit më parë.  Për të gjithë 9-mujorin 2021, deficiti tregtar rezultoi në vlerën e 290 miliardë lekëve ose pothuajse 2.4 miliardë eurove, në rritje me 23.9% krahasuar me të njëjtën periudhë të një viti më parë

Kontributi më i madh në rritjen e eksporteve gjatë muajit Shtator 2021 ishin “Materiale ndërtimi dhe metale” me +15,1 %, “Minerale, lëndë djegëse dhe energji elektrike” me +10,6 % dhe “Ushqime, pije, duhan” me +2,2 %.

Ndërsa për 9 muaj eksportet janë rritur me 36,5 %, krahasuar me një vit më parë. Grupet që kanë ndikuar pozitivisht në rritjen vjetore të eksporteve, janë: “Materiale ndërtimi dhe metale” me +14,3 %, “Minerale, lëndë djegëse dhe energji elektrike” me +11,6 % dhe “Tekstile dhe këpucë” me +3,5 %.

Kontributi i grupeve kryesore në rritjen e importeve gjatë muajit Shtator 2021, janë “Minerale, lëndë djegëse dhe energji elektrike” me +12,9 %, “Ushqime, pije, duhan” me +5,0 % , “Materiale ndërtimi dhe metale” me +4,1 %.

Në muajin Shtator 2021, vendet me të cilët Shqipëria ka pasur rritje më të madhe të eksporteve, në krahasim me Shtator 2020 janë: Itali (19,7 %), Kosova (36,4%) dhe Spanja (74,0 %).

Në muajin Shtator 2021, vendet me të cilët Shqipëria ka pasur rritje më të madhe të importeve, në krahasim me Shtator 2020 janë: Italia (18,7 %), Turqia (24,8 %) dhe Greqia (27,5 %).  

(Kliko ketu per te lexuar te dhenat e fundit )

I.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Merret vendimi, Barbados zëvendëson Mbretëreshën Elisabeth me një Presidente! Botës i shtohet edhe një republikë, vendi i Rihanës