Rriten me 6.7% çmimet e apartamenteve në vend, Banka e Shqipërisë: Në qendër të Tiranës banesat 16% më shtrenjtë

Edhe pse Shqipëria po përballet me një bum ndërtimesh të reja, që pritej që të stabilizonte çmimet e banesave, në treg po ndodh krejt e kundërta.  Edhe në 6 mujorin e parë të këtij viti çmimet e apartamenteve janë rritur krahasuar me vitin 2020.

Sipas vrojtimit të kryer nga Banka e Shqipërisë për tregun imobiliar është dalë në konkluzionin që çmimet e banesave janë rritur me 6.7% në rang vendi krahasuar me gjashtëmujorin e parë të vitit që shkoi. Ky anketim është plotësuar nga 187 shoqëri ndërtimi. Ndërkohë rritja me e madhe e çmimeve ndodh ne kryeqytet ku ka shtrenjtim me 5.8% në terma vjetorë.

“Çmimet mesatare janë rritur në qendër të kryeqytetit me 16% nga periudha paraardhëse dhe kanë rënë për zonën jashtë kryeqytetit me 22%”, thuhet në raportin e Bankës së Shqipërisë.

Këto çmime janë kthyer në të papërballueshme për xhepin e qytetarëve, pasi pjesa më e madhe e banesave po blihet nga shtetas që jetojnë jashtë vendit ose me kredi.

Sipas agjentëve, rreth 50% e pronave për banim dhe e atyre për përdorim tregtar të shitura prej tyre janë blerë me hua bankare. Agjentët raportojnë se rreth 32% e banesave dhe pronave tregtare u janë shitur shtetasve jorezidentë në Shqipëri”, vijon më tej vrojtimi i kryer.

Ndryshe nga Tirana ne qytetet bregdetare agjentët raportuan çmime më të ulëta, ndërsa për pronat e shitura në zonat e tjera ndryshimet e çmimeve ishin thuajse të papërfillshme, thotë Banka e Shqipërisë.

Ndërkohë edhe për muajt në vijim 28% agjentëve imobiliar presin rritje të çmimeve, 64% thonë se çmimet do jetë të njëjta dhe vetëm 8% e të anketuarve pret ulje të çmimeve.

Shkaqet për këtë shtrenjtim sipas ekspertëve dhe sipas INSTAT janë të shumta, duke filluar nga taksat, mungesa e trojeve në zonat e preferuara, rritja e pagave për punëtorët, shtrenjtimi i materialeve të ndërtimit, apo edhe kohëzgjatja për marrjen e lejes së ndërtimit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Amelia: 23/09/2021 13:53

    Nuk ka problem fare. Na i ka rritur aq shume Rama rrogat, sa mund ta blejme kollaj fare apartamentin, pas vdekjes.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zhgënjen Denver, Golden State dhe Lakers fitore play-offi

Zhgënjen Denver, Golden State dhe Lakers fitore play-offi