Ushqimet u shtrenjtuan me 4.7% në shtator, INSTAT: Inflacioni arriti në 2.6%

Ushqimet u shtrenjtuan me 4.7% në shtator, INSTAT: Inflacioni arriti në 2.6%

Foto ilustruese

Rritja e çmimeve në muajin shtator sipas matjeve të Eurostat ishte më e lartë sesa ajo që u raportua nga INSTAT pak ditë më parë. Sipas raportit të publikuar nga INSTAT për Indeksin e Harmonizuar të Çmimeve të Konsumit, bazuar në metodologjinë ndërkombëtare të llogaritjes së këtij treguesi thuhet se inflacioni në muajin shtator ishte 2.6% dhe jo 2.5%. Ndërsa ky tregues në shtatorin e 2020 ishte 2.3%.

Ndikimin më të madh në rritjen e inflacionit e ka dhënë grupi i ushqimeve dhe pijeve jo-alkoolike që u shtrenjtuan me 4.7%, ndjekur nga grupi i komunikimit me rritje 2.9%, më pas është sektori i transportit me 2.4% si pasojë dhe e shtrenjtimit të karburantit.

“Ndryshimi vjetor i matur nga Indeksi i Harmonizuar i Çmimeve të Konsumit në muajin Shtator 2021 është 2,6 %. Rritja më e madhe e çmimeve prej 4,7 % vërehet në grupin “Ushqime dhe pije joalkoolike”, pasuar nga grupet “Komunikimi” me 2,9 %, “Transporti” dhe “Hotele, kafene dhe restorante” me 2,4 % secili, “Argëtim dhe kulturë” me 1,7 %, “Pije alkoolike dhe duhan” me 1,2 %, “Veshje dhe këpucë” dhe “Qira, ujë, lëndë djegëse dhe energji” me 1,1 % secili, “Shëndeti” me 0,9 %, “Mobilim, pajisje shtëpie dhe mirëmbajtje” me 0,7 % dhe “Shërbimi arsimor” me 0,2 %”, thuhet në raportin e INSTAT.

Edhe pse ka pasur shtrenjtim sipas raportit nuk ka qenë më i lartë se në vendet e Bashkimit Evropian. Sipas raportit Indeksi i Harmonizuar i Çmimeve të Konsumit në vendet e BE ishte 3,6%.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Çuçi: Komision parlamentar kundër dezinformimit dhe ndërhyrjeve të huaja

Çuçi: Komision parlamentar kundër dezinformimit dhe ndërhyrjeve të huaja