Rritja e çmimeve vonon rindërtimin në Shijak, shtrenjtohen materialet e ndërtimit, specialisti: Rriten kostot për kompanitë

Rritjes së çmimeve të materialeve të ndërtimit nuk i ka shpëtuar as procesi i rindërtimit, tek i cili janë hasur vonesa dhe tejkalim i afatit të punimeve. Në mars të këtij viti duhet të dorëzoheshin apartamentet e lagjes "Lugina" në Shijak, por nga 31 pallate kanë përfunduar vetëm 8. 

“Aktualisht 8 pallate janë të përfunduara në lagjen “Lugina”, ndërkohë që një pjesë tjetër e tyre janë në 90% të objektit të realizuara, por nuk kemi parë të arsyeshme shpërndarjen e hyrjeve në këto objekte pasi duke qenë se ndodhen në mes të kantierit të punimeve, mendojmë që të përfundojnë dhe objektet përreth tyre dhe më pas t’i shpërndajmë të gjitha".

Arkitekti i zyrës së projekteve Filip Gjoni tha se është rritur kostoja e ndërtimit për kompanitë e tenderuara të cilat duhet të përfundojnë projektet me vlerat fillestare të tenderave.

“Rritja e çmimit të hekurit, betonit, materialeve të ndërtimit, por edhe e karburantit ka ndikuar në procesin e rindërtimit dhe vonesat janë pasojë. Që prej muajit shtator janë ndjerë rritjet e para të çmimeve dhe vlera aktuale e materialeve të ndërtimit është të paktën 70% mbi çmimet fillestare që kanë paraqitur kompanitë e tenderuara nga Fondi Shqiptar i Zhvillimit. Kjo gjë përkthehet në kosto për këto kompani pasi u duhet të përfundojnë objektet me vlerat fillestare.“

Ende nuk ka një datë se kur do të hidhet shorti për ndarjen e 571 apartamenteve në 31 pallatet e reja që po ndërtohen në Shijak, ndërsa familjet e dëmtuara nga tërmeti i 26 nëntorit 2019 vazhdojnë të trajtohen me bonus qiraje.  

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Integrimi në BE, a duhet të ndahet Shqipëria nga Maqedonia e Veriut?



×

Lajmi i fundit

John

Sot mblidhet samiti i NATO-s, synon ndryshimet më të mëdha prej Luftës së Ftohtë