Rrushi i Zadrimës kalbet në vreshta, s'ka blerës! Altin Prenga: Prodhimi më i lartë se kapaciteti përpunues

Në Zadrimë të Lezhës rrushi po kalbet në vreshta. Prodhimi është bollshëm, por mungon tregu i shitjes. Rrok Kolndreu bashkë me të shoqen kujdesen gjatë gjithë vitin për vreshtin me sipërfaqe 4 dynym. Kanë kultivuar varietete rrushi për verë dhe raki, por tashmë që është sezoni i vjeljes, gjenden në vështirësi për ta tregtuar.

"Ku me e çu, ju po e shihni vete nuk e merr kush. S'ka blerës. Nuk është mundi i një javë, por i 12 muajve. Ne me këtë jetojmë, asnjë subvencion s’kemi marrë nga shteti. Na kanë thënë nuk përmbush kriteret. Kam bërë kërkese për zetor më kanë thënë jo.

Po kështu vreshtari Gjok Kola ka një sipërfaqe prej 4 dynym. Aktualisht një kg rrush për industrinë e përpunimit është me 50 lek/kg, por as me këtë çmim të ulët nuk po shitet.

"12 muaj duke ju sjell kësaj vreshta kam 4 dynym te gjithë robt e shtëpisë kanë punuar këtu. Kam rënë në qafë mërzit, ka marrë një sasi por unë kam shumë.

S’ka kërkesa fare. Shteti duhet të na ndihmojë shumë të marrë ta magazinojë se jemi me humbje".

E vetmja kantinë në Zadrimë është ajo e Mrizit të Zanave. Sipërmarrësi Altin Prenga thotë se prodhimi është disa herë më i madh se kapaciteti i përpunimit.

“1500 kuintal kemi kapacitet. Nuk marrim dot me shume se s’kemi ene mbajtëse. Kërkesa nga fermerët shkon 3-4 kuintal. Është e trishtë ata nuk ia dalin me e shit. Ndërkohë është krijuar mentaliteti i gabuar për verën shqiptare", tha Prenga.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Miratohet bonusi i qirasë për familjet e Kombinatit, Veliaj: Brenda verës hedhim shortin për shtëpitë e reja! I kemi fituar të gjitha gjyqet

Miratohet bonusi i qirasë për familjet e Kombinatit, Veliaj: Brenda verës hedhim shortin për shtëpitë e reja! I kemi fituar të gjitha gjyqet