Hapet gara për Drejtorin e Përgjithshëm të Radio Televizionit Shqiptar

Hapet gara për Drejtorin e Përgjithshëm të Radio Televizionit Shqiptar

Këshilli Drejtues i RTSH-së ka hapur procedurën për zgjedhjen e drejtorit të Përgjithshëm të Radio Televizionit Shqiptar.

Faza e aplikimit do të jetë e hapur 10 ditë siç e përcakton ligji, duke nisur nga mbledhja plenare (30 maj) që zyrtarizoi nisjen e procesit për plotësimin e vendit vakant në krye të medias publike shqiptare, deri më 8 qershor.

Të gjithë kandidatëve që janë të interesuar duhet të dorëzojnë aplikimet e tyre sipas kritereve të pasqyruara në faqen zyrtare te web-it RTSH.AL, seksioni “NJOFTIME”.

Nuk lejohen të kandidojnë ata që kanë qenë deputetë apo kandidatë për deputetë në dy legjislaturat e fundit, ata që janë anëtarë partish politike apo organizatash politike, ata që janë të zgjedhur në pushtetin vendor.

Ish-drejtori i Përgjithshëm i këtij televizioni, Enkelejd Joti dha dorëheqjen nga posti i tij më 13 prill të këtij viti. Përmes një shkrese drejtuar Këshillit Drejtues të RTSH-së, Joti dha dorëheqjen e parevokueshme nga posti i cili mbante që prej vitit 2021. Dorëheqja e tij erdhi pasi më pas u emërua në postin e  zv.Ministrit të Mbrojtjes.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • niku: 01/06/2023 11:04

    vazhdon tallja...po drejtorin qe ishte me cfare konkursi u zgjodh po gjith drejtoret..me cfare konkursi zgjidhen

    Përgjigju
  • Sondazhi i ditës:

    Kush ka mbajtur qëndrimin më të saktë rreth situatës në veri të Kosovës?



×

Lajmi i fundit

Tiranë/ Kërcënohet mësuesi në fshatin Zall Bastar, arrestohet autori

Tiranë/ Kërcënohet mësuesi në fshatin Zall Bastar, arrestohet autori