Rusia shton Navalny Navalnin në listën e terroristëve

Rusia shton Navalny Navalnin në listën e terroristëve

Alexei Navalny

RUSI- Autoritetet ruse kanë shtuar udhëheqësin e burgosur të opozitës Alexei Navalny dhe disa nga aleatët e tij kryesorë në regjistrin e terroristëve dhe ekstremistëve të vendit, masa e fundit në një goditje të shumëanshme ndaj mbështetësve të opozitës, mediave të pavarura dhe aktivistëve të të drejtave të njeriut.

Alexei Navalny, kritiku më i ashpër i presidentit rus Vladimir Putin, si dhe tetë aleatë të tij, përfshirë ndihmësit kryesorë Lyubov Sobol dhe Georgy Alburov, u shtuan të martën në listën e grupeve dhe organizatave terroriste nga Shërbimi Federal i Monitorimit Financiar të Rusisë. Ligji kërkon që llogaritë bankare të atyre që janë në listë të bllokohen.

Masa vjen vetëm një vit pas arrestimit të Navalnit, i cili shkaktoi një valë protestash masive nga më të mëdhat në të gjithë Rusinë në vitet e fundit. Politikani i opozitës u ndalua pas kthimit të tij nga Gjermania, ku kaloi pesë muaj për trajtim mjekësor nga pasojat e helmimit me agjent nervor, për të cilin ai e ka fajësuar Kremlinin. Autoritetet ruse kanë mohuar përfshirjen në helmimin e tij.

Alexei Navalnyaktualisht po vuan një dënim me 2.5 vjet burg për shkeljen e rregullave të lirimit me kusht, në bazë të një dënimi për evazion fiskal të vitit 2014. Në muajt që pasuan, vëllai i zotit Navalny, Oleg dhe shumë nga aleatët e tij kryesorë, u përballën gjithashtu me akuza penale dhe autoritetet e shpallën Fondacionin për Luftimin e Korrupsionit, të zotit Navalni si dhe një rrjet të gjerë zyrash rajonale, si organizatë ekstremiste, duke paralizuar operacionet e tyre.

Autoritetet ruse gjithashtu kanë rritur presionin ndaj mediave të pavarura dhe grupeve të të drejtave të njeriut në muajt e fundit. Dhjetra media janë etiketuar si agjentë të huaj, një emërtim që nënkupton kontrolle shtesë nga qeveria në një përpjekje për t’i diskredituar ato.

Goditja ndaj Alexei Navalny dhe zërave të tjerë kundërshtarë në Rusi ka shkaktuar zemërim në Perëndim.

Të martën, zëdhënësi i BE-së për marrëdhëniet me jashtë, Peter Stano përsëriti se "kjo nuk është e pranueshme, dhe se ne e shohim këtë si një shtypje të vazhdueshme kundër zërave kritikë në shoqërinë ruse".

Aktivistja ruse Lyubov Sobol, e cila arriti të largohej nga vendi, pas dy gjyqeve me akuza penale vitin e kaluar, tha për agjencinë e lajmeve Associated Press të martën, se besonte se vendimi për të shtuar zotin Navalni dhe aleatët e tjerë në listën e terroristëve dhe ekstremistëve, ishte marrë në Kremlin.

“Nuk ka absolutisht asnjë dyshim se vendimi në lidhje me çështjen time, atë të Navalnit dhe bashkëpunëtorëve të mi më të ngushtë, është marrë në Kremlin, me kontributin personal të Vladimir Putinit. Unë mendoj se ai i ka të gjitha çështjet që përfshijnë ekipin tonë nën një kontroll të veçantë dhe nuk është një vendim i marrë nga zyrtarë të rangut më të ulët", tha zonja Sobol.

Ajo tha se vendimi ka shumë të ngjarë të ketë si synim të frikësojë rusët e zakonshëm, ndërsa u zotua, se ekipi i zotit Navalni, anëtarët kryesorë të të cilit janë larguar nga Rusia, do të vazhdojnë punën e tyre./VOA

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • martin: 26/01/2022 08:28

    sikur te shtoj ne liste edhe soros macron dragi merkel dhe ed pallen

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Petro Koçi zbulon pse abstenoi për ngritjen e Komisionit parlamentar për sistemin TIMS

Petro Koçi zbulon pse abstenoi për ngritjen e Komisionit parlamentar për sistemin TIMS