Sekretari i NATO-s flet me Kurtin dhe Vuçiç: Prishtina dhe Beogradi të përmbahen

I shqetësuar nga situata në veri të Kosovës, Sekretari i Përgjithshëm i NATO-s, Jens Stoltenberg ka biseduar ditën e sotme me kryeministrin e Kosovës, Albin Kurti dhe presidentin e Serbisë, Aleksandër Vuçiç.

Stoltenberg tha se është jetike që Prishtina dhe Beogradi të përmbahen dhe t’i kthehen dialogut.

 “Bisedova me Aleksandër Vuçiç dhe Albin Kurtin për nevojën e de-eksalimit në veri të Kosovës. Është jetike që edhe Beogradi edhe Prishtina të tregojnë përmbajtje dhe t’i kthehen dialogut. Mandati i KFOR -it mbetet të sigurojë një mjedis të sigurt dhe të mbrojtur dhe liri të lëvizjes për të gjithë”, shkroi Stoltenberg në Twitter.

Të shtunën, Qendra e Regjistrimit të Automjeteve në Zubin Potok është djegur, ndërsa është sulmuar edhe Qendra e Regjistrimit Civil në Zveçan.

Sipas hetimeve preliminare aty janë hedhur dy bomba dore, të cilat nuk kanë eksploduar.

Për shkak të zhvillimeve në veri, presidentja e Kosovës, Vjosa Osmani dje e ndërpreu vizitën e saj në Shtetet e Bashkuara dhe u nis drejt Kosovës.


Lajmi kryesor:

Situata e tensionuar prej 7 ditësh në veri të Kosovës bashkon qeverinë me opozitën! Dy avionë nga Serbia fluturojnë në afërsi të kufirit! SHBA: Po punojmë për uljen e tensioneve


  • Sondazhi i ditës:

    A jeni dakord me rekomandimin e Komitetit të Imunizimit për dozë të tretë vaksine për mbi 60 vjeçarët?



×

Lajmi i fundit

John

Importuesit e miellit edhe 1 vit nën monitorim! Zbardhet vendimi i Konkurrencës se si i shpëtuan gjobës 5 mln euro kompanitë