POP 5

Lajmet më të lexuara të 5 minutave të fundit

Sport

'Sezonin tjetër shihemi në Superligë!' Shtubina, kapiteni i Egnatias: Na motivon ambienti, këtu po ndërtohet stadium (VIDEO)

Egnatia, që militon në kategorinë e parë, është një hap larg ngjitjes në Superligë. Kapiteni i kësaj skuadre Ndiçim Shtubina thotë se atmosfera në klub është fantastike dhe se projekti për të ardhmen po motivon tej mase futbollistët.

Egnatia sipas të gjitha gjasave do jetë realiteti i ri i Superligës në sezonin e ardhshëm. Falë fitores 2-1 kundër Tomorrit janë shkëputur me 7 pikë në krye të Kategorisë së Parë te grupi B. Kapiteni i rrogozhinasve Ndriçim Shtubina, shprehet me siguri të plotë se sezonin e ardhshëm do jenë në elitën e futbollit shqiptar.

‘Besoj se deri në fund do ia arrijmë qëllimit sepse kanë mbetur edhe pak ndeshje. Nuk ka shanse që dikush të marrë vendin e parë sepse ne kemi udhëhequr që nga fillimi. Shihemi në Superligë,’-u shpreh ai.

Shkodrani Shtubina, një lojtar me shumë eksperiencë edhe në Superligë, shton se ndihet shumë i lumtur në Rrogozhinë. Kjo edhe për faktin se klubi ka një projekt ambicioz.

‘Ndihem i lumtur dhe i kënaqur te kjo skuadër, sepse është edhe një projekt shumë serioz. Këtu po punohet edhe për stadiumin e ri dhe gjithçka shkon shumë mirë. Ky është edhe një motivim shumë i madh për lojtarët,’-deklaroi ai.

34-vjeçari ndalet edhe te sezoni aktual i Superligës, duke u shprehur fillimisht se arbitrimi ka qenë korrekt, diçka e cila është në kundërshtim me opinionin.

‘Unë besoj se arbitrimet kanë qenë shumë korrekt këtë sezon. Këtë e kam vërenjtur në shumë ndeshje që kam ndjekur Superligën. Nuk besoj se do jenë vendimtar, por do jetë gjendja e skuadrave që do vendosi titullin. Ajo akuadër që ka qetësinë, që do japë maksimumin dhe që do mbajë presionin do shpallet kampione. Në fund shpresoj që kjo skuadër të jetë Vllaznia,’-u shpreh ai.

Sipas Shtubinës ky sezon po tregon se cilësia e futbollit shqiptar është rritur.

‘Cilësia e futbollit tonë është rritur. Çdo skuadër jep maksimumin sepse ka pretendimet e veta. Kemi shumë skuadra që pretendojnë Europën, kampionatin. Kjo favorizon futbollin tonë, sepse luhet drejt dhe pastër. Po shoh shumë ndeshje me nivel, shumë të bukura. Detaje që ndihmojnë futbollin shqiptar dhe shpresoj që të vazhdojmë deri në fund kështu,’-tha ai.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Ulsi Manja: Politikë riintegruese për të dënuarit e të paraburgosurit

Ulsi Manja: Politikë riintegruese për të dënuarit e të paraburgosurit

19 Prill, 22:41