'Shantazh duke shpifur për BMW-në e Ministrisë', Ish-ministri Sandër Lleshaj në Gjykatë, nis procesi për shpifje ndaj gazetarit Fundo

Ish-ministri i Brendshëm, Sandër Lleshaj është paraqitur ditën e sotme në Gjykatën Penale të Tiranës pasi ka nisur procesi i padisë që ai ka paraqitur ndaj gazetarit Elvi Fundo për shpifje në rastin e BMW së Ministrisë së Brendshme.

Lleshaj u akuzua nga media që drejton Fundo se kishte blerë një makinë me kilometra zero me një çmim prej 150 mijë eurosh.  Sot u zhvillua seanca paraprake dhe gjykata vendosi kalimin e çështjes për gjykim pas dështimit të përpjekjeve për pajtim mes palëve.

Kujtojmë se ministri i Brendshëm e paralajmëroi këtë proces që kur dolën akuzat, duke i konsideruar ato si tentativë për intimidim apo shantazh.

"Sandër Lleshaj si person ka në pronësi një automjet mëse të zakonshëm, që prej një dekade. Ai nuk e ka as të mundur dhe as ndërmend të blejë një makinë të re; Për shkak të funksionit shtetëror, Ministri i Brendshëm dhe grupi i tij i shoqërimit ka në përdorim disa automjete; Po bëhen disa muaj që një automjet i dalë jashtë përdorimit është zëvendësuar me një të ri; Automjeti nuk ka kushtuar 100 milionë lekë, as 150 mijë Euro, sikundër përpiqen të infektojnë opinionin publik shpellat e dyshimta virtuale, por vetëm 49 mijë Euro; Ky çmim, i cili është sa gjysma ose sa një e treta e atij që është hedhur në eter në mënyrë të paturpshme nga larot dhe tutorët e tyre, e bën të qartë përpjekjen kriminale për intimidim dhe për dezinformim publik; Vetëm për krahasim, vlen të theksohet se vlera e automjetit të ri në përdorim të Ministrit të Brendshëm është e përafërt me vlerën e automjeteve të reja të vëna në përdorim të Policisë së Shtetit, në Tiranë dhe në të gjitha qarqet e vendit gjatë këtij viti, si pjesë e programit të modernizimit të saj", pati sqaruar Lleshaj kur drejtonte Ministrinë e Brendshme.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

U zgjodh kryetare e Himarës, Blerina Balaj ftesë për bashkëpunim: Asnjë punë nuk bëhet vetëm

U zgjodh kryetare e Himarës, Blerina Balaj ftesë për bashkëpunim: Asnjë punë nuk bëhet vetëm