SHBA/ 53 emigrantë u gjetën të vdekur në kamion! Shoferi: Nuk e dija që kondicioneri nuk punonte! Dy të akuzuarit rrezikojnë dënimin me vdekje

Në Teksas u gjetën të vdekur 53 emigrantë brenda një kamioni. Shoferi i kamionit tha se nuk kishte dijeni që kondicioneri nuk punonte. Ai akuzohet së bashku me një përson tjetër të cilët nëse shpallen fajtorë rrezikojnë dënimin me vdekje.

Shoferi i kamionit në Teksas të SHBA brenda të cilit u gjetën 53 emigrantë të vdekur thotë se nuk e dinte që kondicioneri nuk punonte, shkruan BBC.

Homero Zamorano u gjet i fshehur në disa shkurre pranë kamionit. Ai është një nga katër personat e akuzuar për tragjedinë me 53 emigrantë të vdekur. Brenda në kamion kishte edhe fëmijë, të cilët kanë mbetur të plagosur dhe ndodhen në spital.  

Me tej, sipas BBC, Në momentin që u arrestua, 45-vjeçari pretendoi se ishte një nga të mbijetuarit në momentin që policia zbuloi viktimat brenda kamionit. Por hetimet zbuluan se ai ishte shoferi dhe akuzohet si një nga personat e përfshirë në këtë rast të kontrabandës së emigrantëve.

Ai dhe një 28-vjeçar i quajtur Christian Martinez janë akuzuar nga autoritetet amerikane se kanë komunikuar me njëri-tjetrin me mesazhe para dhe pasi kamioni me emigrantë u zbulua. Për këtë, policia ka si provë tablatet telefonike.

Të dy këta persona, nëse shpallen fajtorë, rrezikojnë të dënohen me vdekje. Dy persona të tjerë, meksikanë, që dyshohen të përfshirë në këtë ngjarje të rëndë, akuzohen për armëmbajtje pa leje dhe qëndrim të paligjshëm në SHBA, shkruan BBC .

64 emigrantë ndodheshin gjithsej të fshehur brenda kamionit në Teksas. 53 humbën jetën, ndërsa të tjerët ishin në gjendje të rëndë shëndetësore dhe u dërguan në spital.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024