SHBA nis formalisht largimin nga Organizata Botërore e Shëndetit

SHBA nis formalisht largimin nga Organizata Botërore e Shëndetit

Administrata e presidentit Trump i ka dërguar një letër Kongresit dhe Kombeve të Bashkuara ku i njofton për tërheqjen e Shteteve të Bashkuara nga Organizata Botërore e Shëndetësisë në lidhje me mënyrën se si ky organizëm u përball me pandeminë.

Njoftimi për tërheqjen i është dërguar Sekretarit të Përgjithshëm të Kombeve të Bashkuara, Antonio Guterres. Në bazë të rezolutës së përbashkët të miratuar në Kongres në vitin 1948, Shtetet e Bashkuara duhet të njoftojnë një vit përpara për lëvizjen dhe duhet të paguajnë detyrimet për agjencinë para largimit.

Vendimi për largim nga OBSH-ja do të hyjë në fuqi brenda një viti, më 6 korrik 2021.

Akti i fundit i presidentit Trump ndryshon perspektivat e OBSH pasi Shtetet e Bashkuara janë financuesi i parë që kontribuon rreth 15% të buxhetit, pak a shumë 400 milion dollarë.

Trump më herët kishte akuzuar drejtuesit e OBSH-së se ishin shumë pro Kinës dhe nuk kishin dhënë në kohë alarmin për pandeminë Covid.

Vetëm pak pasi u bë i ditur se divorci ishte bërë zyrtar, drejtori i përgjithshëm i OBSH-së në Twitter kujtoi misionin e agjencisë dhe rëndësinë e financimit të luftës kundër koronavirusit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin