Shemben 10 objekte në Bulqizë/ Qytetarja: Si na nxjerr nga shtëpia, njërin po, tjetrin jo! Alla: Kërkoj mirëkuptimin e qytetarëve për këto investime

Qyteti i Bulqizës në verilindje të vendit është kthyer në kantier ndërtimi. Sapo ka nisur puna për rikonstruksionin e unazës së sipërme të qytetit, e cila do të kthehet në një shëtitore me trotuare të gjera, gjelbërim e ndriçim.

“Ky investim parashikon një rrugë, e cila do jetë në vazhdën e të gjitha atyre projekteve me një zgjerim rreth katër metra, rrugë me një sens kalimi dhe pjesa tjetër është trotuar., që mund të shkojë 1.5 metra deri në 2 metra.  Një pjesë është parkim.  Kemi shkarkim të ujërave të bardha, asfalt. Kemi prekur pak edhe lirimin e hapësirave publike”, shprehet Inxhinieri.

Gjatë inspektimit të punimeve, kryebashkiaku Lefter Alla foli edhe për projektin tjetër të rëndësishëm, rikonstruksionin e qendrës kulturore multifunksionale në qendër të Bulqizës.

“Përveç Unazës,  në këtë segment po punohet edhe në qendrën kulturore të qytetit, qendër e cila po i kthehet identitetit të saj  ku do të shërbejë për edukimin e fëmijëve, për aktivitetet kulturore dhe artistike”, shprehet Alla.

Zbatimi i projekteve, kërkon  lirimin e hapësirave publike, ndaj janë shembur 10 objekte pa leje, si shtesa banesash, garazhe e lokale. Disa prej pronarëve kanë reaguar duke thënë se shembjet janë bërë në mënyrë selektive.

 “Donin ta zgjeronin, kishte vend sa të duash për t’u zgjeruar . Njëri po, tjetrit jo. Si është kjo punë kështu, në tokë time të vish të më nxjerrësh nga shtëpia,  ka 40 vjet që e kam bërë, që në kohën e Enverit kur u prish demokracia”, thotë një qytetare.

Kryebashkiaku Alla kërkoi mirëkuptimin e banorëve për ti hapur rrugë zhvillimit të qytetit.

 “Shumica janë kioska, që janë vendosur në cep të rrugës dhe që  pengojnë zhvillimin e projektit. Natyrisht, nuk ka leje për kioska. Por, kjo është një rrugë që i shërben të gjithë komunitetit”, thotë kryebashkiaku, Lefter Alla.

Rikonstruksioni i Unazës dhe Lagjes së vjetër financohet nga bashkia me një fond prej 31 milionë lekësh. Ndërsa qendra kulturore është bashkëfinancim i bashkisë Bulqize dhe Fondacionit Italian IADSA.

er.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arben: 22/11/2020 14:29

    Jo 10 por 1000 ndertesa duhet te shembni....

    Përgjigju
  • SHQIPTARI: 20/11/2020 10:26

    Eshte nje kosto e jashtezakonshme te paguash me taksat tona nje grusht frikacakesh te paafte qe vetem punen e tyre,per te cilen u zgjodhen nuk bejne.Po kush ti gjykoje,ata qe i vune qe tu sherbejne atyre dhe jo drejtesise ?

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis i cilësisë së lartë

VIDEO/ Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis i cilësisë së lartë