Shembet shtëpia në Përmet, familja Dosti fle në kasollen e bagëtive! Gruaja e shtëpisë: Flemë me plastmas! Emergjencat Civile: Nuk kemi çadër

PËRMET- Report Tv udhëton në fshatin Mokricë në familjen e Bektash Dostit, që prej shembjes së banesës jetojnë në plevicën e bagëtive. Për shkak të amortizimit, shtëpia e vjetër është shembur plotësisht por fatmirësisht ka shpëtuar kryefamiljarja.

 “Mamaja ishte brenda në atë kohë. Kur u trondit shtëpia ajo ishte brenda dhe është mbrojtur vetëm në një cep të dhomës, desh e zuri brenda  se do dilte nga dhoma në dhomë. Ka rënë komplet shtëpia", tregon djali.

Kryefamiljari Bektash Dosti tregon se ka dëbuar bagëtitë dhe lopën nga hauri duke e shndërruar në strehë të përkohshme.

“Ra korridori aty, pastaj ra kjo pjesa këtu.  Shpëtuam që s'na zu brenda. Futu shikoje dyshekun aty, jemi futur në stallën e lopëve”, tha Dosti,

Pamjet që transmeton Report Tv tregojnë kushtet e mjerueshme, aspak njerëzore ku kalojnë ditët e ftohta dy djemtë dhe çifti Dosti, të gjithë të papunë. E vetmja kërkesë e tyre është sigurimi i një çadre ku të fusin kokën.

 “Flenë me plastmas, batanijet janë në kasollën e bagëtive”, ka treguar gruaja.

Kanë kërkuar ndihmë prej muajsh, por Bashkia e Përmetit nuk ka mundur t'i sigurojë një çadër. Shefi i Emergjencave Civile pranë këtij institucioni e delegon përgjegjësinë tek Drejtoria e Përgjithshme e Emergjencave Civile në Tiranë.

Shkresa përcjellëse për në Prefekturë dhe Agjencinë Kombëtare të Emergjencave janë dërguar që në javën e parë se vetë ne nuk disponojmë çadër.  Do bëhet preventivi sa është kostoja”, tha kreu i emergjencave Civile Përmet.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albi: 21/10/2021 09:33

    Kjo ashte suksesi i politiks shqiptare????????????

    Përgjigju
  • çadra: 21/10/2021 08:34

    Duhet te behet nje tender nderkombetar qe te blihet nje cades pelhure

    Përgjigju
  • Iris: 21/10/2021 02:10

    Po tere ato cadra qe u sollen per termetin ne bashkite e tjera,nuk ka mundesi bashkia e Permetit te beje nje telefonate dhe te gjeje nje?!Megjithate me mire pa cader,se po u dhane cader kane per t'i harruar atje,te pakten keshtu pushteti lokal mund te motivohet e t'u siguroje nje strehim te vertete perfundimtar.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen