Mbi 2 orë tubim! "Yyyyy", thirrje kundër Bashës, artistët përjashtuan opozitën nga podiumi! Budina: Të mërkurën protesta e radhës

Ish- deputetja e PD-së Grida Duma në një prononcim për Report TV është shprehur se qyteti ka humbur një pjesë të zemrës së vet që është arti.

"Pjesëmarrja është e madhe, është një ditë rëndë, ku qyteti ka humbur një pjesë të zemrës së vet që është arti. Besoj fort që në ditët në vijim kundërshtia dhe revolta  do të jetë më e madhe. Jemi në momente plagosjeje për gjithë shoqërinë shqiptare. Nuk ka ushqim më të madh se sa ushqimi shpirtëror, kur vendet rimkëmben, rimëkëmben nga arti, ushqimi shpirtëror. Le të marrim shembullin e Italisë,  kur po rimëkëmbej nisej nga kinematë. Duke harruar nuk shpëtojmë, duke kujtuar ne ringrihemi. Duhet të besojmë se sa më shumë të kalojë koha, kundër përgjigja është më e madhe", tha Duma.

Ajo gjithashtu ka shtuar se PD-ja e ka mbështetur dhe do ta mbështesë Aleancën në çdo rast , pasi në krye të folësve janë ata që kanë sakrifikuar.

"Është shpirti artistik ai që ka mbrojtur teatrin. Pas momentit që është respektuar kalendari i aleancës, PD-ja do të mblidhet e do të vijojë me agjendën  e vet. Kemi hyrë në një zonë të nxehtë", ka thënë Duma.

"Të protestosh me kulturë, jo dhunë"! Ishte kjo kryefjala e kësaj proteste, e cila është theksuar në çdo fjalim të artistëve në podium dhe kjo u pa edhe në përfundim! Siç shihet në videon e sjellë nga Report Tv, disa nga qytetarët kanë nisur që të pastrojnë bulevardin.

Në protestën e Aleancës për mbrojtjen e Teatrit është parë edhe këngëtari Arkimend Lushaj, i njohur si Stresi.

Pas 2 orë e 30 minutash është mbyllur protesta e organizuar nga Aleanca për Mbrojtjen e teatrit. Regjisori Edmond Budina ka bërë me dije se duke qenë se nesër është nata e Kadrit, takimi i radhës është lënë të mërkurën në orën 17:30.

Një minutë heshtje është mbajtur në protestë si simbolikë për shembjen e Teatrit. Kjo ishte një kërkesë nga regjisori Edmond Budina.

Regjisori Edmond Budina ka bërë thirrje për mosbindje civile në çdo qytet, teksa u bëri thirrje qytetarëve që të kenë kujdes pasi në protestë ka dhe sabotator.

"E neveritshme kjo gjë ndodhi, ka diçka që mbase pak njerëz e dinë, me 17 të 1945 u themelua teatri profesionist, dhe me 17 maj mafia në bashkëpunim me pushtetin e shembën. E kuptoni se si funksionojnë edhe me simbolikat, për të na ulur kokën. Do rrimë edhe 200 vjet për të mbrojtur pronën publike. Një nga personalitet më të mëdha të arkitekturës italian më tha që shembja është i bërë nga një grup mafiozësh, por ata nuk mund ta shembin kulturën. Për të ruajtur simbolikën. Na kanë futur edhe sabotator. Mos e lejojnë këtë dhunë që veprojnë në këtë mënyrë. Nuk ka rëndësi se çfarë po ndodh atje, këtu janë të gjithë njerëzit që e duan Shqipërinë dhe kulturën e tyre, ata që provokojnë duan të na përçajnë. Çdo politikan në çdo lloj krah është i mirëpritur, jo përçarje, jo dhunë. Ne kemi nevojë për zhvillim, duhet të bëjmë një mosbindje civile kudo, të gjithë bashkë. Në  Elbasan i bllokuan qytetarët të vijnë, në çdo qytet të protestojnë, nuk na ndalojnë ne që t'i përgjigjemi për të mirën e vendit, është histori shpirti dhe jo përfitim0. Presidenti të kërkojë shpërndarjen e parlamentit. Të largohet menjëherë kryetari i Bashkisë, ai kriminel sepse krimi kundrejt kulturës është një nga krimet më të mëdha të njerëzimit. Ata duhet të ikin dhe ne me ndihmën e Europës do ta rindërtojmë teatrin siç ishte sepse është simbol i qëndresës qytetare, i pastërtisë njerëzore se asnjëherë se kemi mbrojtur se do merrnin disa tulla apo se do  përfitonim, por sepse e donim. S;do i ndalojmë protestat", tha ai.

Në momentin që po fliste Edmond Budina sërish janë shënuar tensione dhe shtyrje mes disa protestuesve.

Aktivisti i Shoqërisë Civile gjithashtu edhe pedagogu Ervin Goci është pjesë e protestës për shembjen e teatrit, i cili ka theksuar se liderët politikë të shikojnë hallet e shqiptarëve dhe të mos ulen në tavolinë me mafien. Ai ka shtuar se të gjithë bashkë kanë në dorë ta çojnë vendin  përpara dhe të bëjnë ndryshimin e madh.

"Protesta mund të vazhdojë,  por çfarë mund të bëjmë pas kësaj? Liderët politikë të shikojnë hallet e shqiptarëve dhe të mos ulen në tavolinë me mafien. Ne e kemi mbajtur për 27 muaj këtë. Këtej janë disa centrale bërthamore energjie. Ne kemi kauzën kemi sheshin kemi edhe partë politike opozitare, ju kemi juve qytetarë të thjeshtë. Ne duhet të jemi bashkë na takon neve ta çojmë përpara dhe të bëjmë ndryshimin e madh. Ata janë disa kufoma politike por do t'i vrasim me qytetari dhe me kulturë", është shprehur Goci.

Organizatori i kësaj proteste, Robert Budina ka zbritur nga podiumi dhe ka takuar dy kryetarët e dy partive opozitare, Lulzim Badha dhe Monika Kryemadhi. Opozita i ka ofruar mbështetje Aleancës për Mbrojtjen e Teatrit, të cilët kanë mobilizuar strukturat për një pjesëmarrje më të madhe në protestë.

Të rinjtë e FRPD-së në Vlorë kanë zhvilluar një protestë përpara Teatrit  " Petro Marko", si një formë senzibilizuese me protestën e zhvilluar njëkohësisht në Tiranë, kundër shembjes së Teatrit! Duke ruajtur distancën, ato mbajnë në duar pankarta ku shkruhet: "Për vetën tonë vendosim ne"! "Jemi nën pushtim"! Teatri themel i një shoqërie demokratike dhe të emancipuar"! "Nën rrënojat e Teatrit do luhet fundi i juaj".

Mesa duhet ato nuk kanë mbërritur dot në Tiranë, për shkak të situatës së krijuar nga koronavirusi, nuk në çdo hyrje- dalje të qyteti ka postblloqe policie.

Edhe pse artistët thanë se në podium nuk do të ngjiten pjesëtarë të politikës, fjalën e ka marrë Mirela Karabina, ish-ministre teknike për arsmin nga PD-ja, e cila është shprehur më podium se dje me shembjen e teatrit është shpallur diktatura. Ajo ka shtuar se Edi Rama ka urdhëruar shembjen kurse Erion Veliaj ka ekzekutuar.

"Dje është shpallur diktatura, nëse do ata lejojmë do të heshtim. Në një natë të errët ky pushet ky diktaturë, dukej sikur kishte terroristë, një spektakël. Jemi prej kaq kohësh që ruhemi, ndërtesën e dinin mirë. Për pak do të kishim mbetur nën rrënoja se askush nuk pyeti për ne. Kërkojnë të mbrojnë kulturën, se po vidhet Jemi të gjithë të rrezikuar nuk e dimë kur bëjmë faj e kur nuk bëjmë. Merr vendime vetëm në dëm të qytetarëve. Edi Rama urdhëri, Erion Veliaj ekzekutoi. Këshilli bashkiak janë turpi i qytetit, turpi i Shqipërisë. Ai dhe Edi Rama futi shqiptarët për të shembur tetarin kombëtar, se nuk e shembin dot ndryshe se janë frikacakë. Ata kanë fundin e tyre politik, fundin  e tyre të shëmtuar politik. Erion Velaj duhet të japë dorëheqjen. të bashkohemi për të luftuar këtë bandë terroristësh. Ne e duam Europën, por kjo e mbylli, kurrë nuk do të hyjmë në Europë. Ne jemi tetari, rroftë Shqipëria, rroftë teatri, rrofshin shqiptarët", është shprehur ajo.

Gjatë kohës që po zhvillohej protesta efektivët e policisë së shtetit janë vendosur mbi tarracat e godinave për të dokumentuar dhe monitoruar të gjithë tubimin që po bëhet në thyerje të aktit normativ pasi jemi në gjendje fatkeqësie natyrore për shkak të COVID-it. Në gatishmëri për mbarëvajtjen e protestës janë mbi një mijë forca policie.
 

Në protestën e sotme dy qytetare, njëra prej të cilave gazetare, Sonila Osmanaj e Novamedia TV u lënduan si pasojë e hedhjes së një fishekzjarri nga një banor i Unazës së Re, i proceduar edhe më parë për tubimet te zona e Astirit kundër projektit të ri.

Ai është 49-vjeçari Arben Qyrani i arrestuar nga policia. Qyrani tentoi që ta hedhë fishekzjarrin në drejtim të policisë por u lënduan gazetarja dhe një grua. Dy militantë të PD-së, njëri prej të cilëve Darvin Zalla, që goditi dje artistin Gentian Shkurti, e larguan Arben Qyranin me kokën mbuluar me xhup për të mos e identifikuar policia.

Por efektivët e ndoqën duke e ndaluar dhe dërguar në komisariat. Report TV solli pamjet e momentit kur Arben Qyrani hodhi fishekzjarrin.

Aktorja Juli Emiri, e cila ka qenë në tarracën e teatrit bashkë me kolegun e saj Neritan Licaj kur zbarkuan fadromat, ka marrë mikrofonin në protestën e ditës së sotme.

"Për ata policë që s'janë policë por janë bandë, ndryshojnë numrat dhe fytyrat. Pa e kontrolluar godinën kanë sjellë fadromat. Kam qenë në tarracë kur erdhën 30 forca speciale. Tetari ishte në errësirë, i thashë që ka akoma njerëz brenda, por efektivi i policisë mu përgjigj 'aty le të rrinë'. Kanë tentuar të na vrasin", tha ajo.

Fatos Lubonja kërkoi një hetim për Teatrin Kombëtar dhe dorëheqjen e kryebashkiakut Erion Veliaj. "Me shembjen e Teatrit u shemb dicka brenda nesh. Ishte edhe një goditje ndaj të ardhmes sonë. Këtu ka shumë intuziazëm. Këtu kemi një bandë kriminale dhe duhet të mendojmë si duhet të clirohemi.

Duhet një protestë dhe një kërkesë të vazhdueshme për nxjerrjen para gjyqit të të gjithë autorëve të këtij krimi. Duhet të kërkojmë dorëheqjen e Erion Velisë të parit dhe duhet ta kërkojmë sot, nesër dhe vazhdimisht, deri kur të ikë dhe të jetë i gatshëm për prokurorinë për shkeljet që ka bërë.

Duhet të protestojmë përpara prokurorisë, që para dokumenteve të qarta të krimit, duhet të japin llogari".

Në momentin që në protestë mbërriti Lulzim Basha pati disa shkëmbime verbale dhe tension mes protestuesve. Situata nuk ishte e qartë por sipas informacioneve mësohet se ovacionet erdhën nga disa të rinj, tifozë të ekipit të futbollit të Tiranës, që kundërshtuan me gishtin poshtë ardhjen e Lulzim Bashës.

Në drejtim të tij u hodh edhe një shishe, por personat që ishin pranë tij ndërhyn duke mos e lejuar që ta kapë. Pra ovacionet erdhën nga një grup që ka mbështetur artistët gjatë protestës së djeshme. Në momentin e tensionimit të situatës ndërhyri Robert Budina duke u drejtuar protestuesve "Mos bini pre e provokimeve".

Aktori Mehdi Malkaj, ka marrë mikrofonin për të shprehur mendimin e revoltën e tij në lidhje me protestën për shembjen  e teatrit.

"Rroftë teatri! Këtu tek ne doli banda, pastaj anti kontrabanda e më pas anti anti kontrabanda. Së pari duhet të vendoset demokracia që të zhduket anti kontrabanda. Kur kryeministri shkel i pari ligjin, kjo është kuje", është shprehur aktori Mehdi Malkaj.

Mbërrin kryetarja e LSI-së, Monika Kryemadhi në protestë.

TIRANË- Ashtu sikurse edhe në protestat e tjera, Report Tv sjell pamje me dron! Në shesh janë mbledhur një numë ri lartë i qytetarëve, të cilët janë rreshtuar kundër shembjes së Teatrit. Protesta është zhvilluar në hyrje të pedonale, përballë ministrisë së Brendshme. 

Protesta nisi në orën 16:30 për të vijuar më pas për rreth 2 orë e 30 minuta. Siç shihet në këto pamje, qytetarët ishin grumbulluar në hyrje të pedonales, e cila përkon edhe me hyrjen drejt ish- godinës së Teatrit.

Ndërkohë, në tarracën e ministrisë së Brendshme, shihen forca të policisë të cilët monitoruan nga lart protestuesit.

VIDEO PAMJE ME DRON ORA 18:00

Aktori Neritan Liçaj me zërin e ngjirur nga skena e improvizuar te protesta u shpreh se me shembjen e Teatrit Kombëtar iku një pjesë e rëndësishme e tij. Ai u bëri thirrje qytetarëve që të bashkohen në protestë kundër qeverisë Rama për ta rrëzuar.

"Në atë skenë krimi ka mbetur zëri im dhe një pjesë e imja që u kalcifikua atje. Ka mbetur pjesa ime më e mirë dhe më e fortë. Dy kufoma politike Rama dhe Veliaj. Ato dy kufoma politike. Më vjen keq vetëm për një gjë që ato dy kufoma....pjesa ime mbetet e lirë se ka fituar mbi ata. Fjala është e para dhe do të mbetet. Thërras në kauzë të gjithë shqiptarët, gjithcka që ka mbetur e lirë, gjithcka që ka mbetur shqiptare, që të fluturojmë lart.

U përpoqën të na vrasin shpresën, por shpresa nuk vritet. Kjo dritë shprese mua më ka mbajtur dy vite e ca atje. U përpoqën që të vrasin artin, për të vrarë mendjen dhe zemrën. Zoti kur e bëri këtë vend ka qenë i dashuruar, se vendi jonë është shumë i bukur. Nuk duhet të përçahemi. Rama dhe Veliaj nuk kanë zemër. Kanë shkretëtirë. Ky është pushtet i rraskapitur. Mund të bllokojnë qytetarët, por rëndësi ka për mua se cfarë bëj unë. Ju bëj thirrje që të bërtasim 'Shqipëri, Shqipëri'" tha ai.

Në fjalën e tij përpara protestuesve, si organizator, regjisori Robert Budina ka bërë me dije se qëllimi i kësaj proteste është të hetohet shembja e teatrit, e ndërsa ka sqaruar se do të flasin në podium vetëm persona që kanë pasur një lidhje të ngushte me atë godinë duke premtuar se s;do ketë aspak protagonizëm politik.

"Dua të falenderoj mbështetësit, që kanë besuar te ke dhe sot pjesëmarrja juaj e tregon qartë se çfarë do të thotë. Sot jemi mbledhur për një qëllim të vetëm. Në mesnatën e datës 17 maj, si çdo ditë kemi qenë në mbrojtje të Teatrit, organizuam rreth 80 shfaqje falas dhe kemi sjellë trupa nga e gjithë europa, e bëm me donacionet e njerëzve, që na ndihmuan ta mbanim gjallë. Dje në orën 04:30, një pjesë e artistëve, u sulmuam nga policia me një aksion blic të paimagjinueshëm. Një pjesë e jona u ftu brenda Teatrit, policia me një urretje, na sulmoi dhe përgjetë kohë që u mbyllëm brenda ambjenteve, sipas disa dëshmive, filloi shembja e tij duke rrezikuar jetët, jo vetëm tona, por edhte të policëve që kishin ardhur të na largonin ne. Qëllimi i protestës sonë është një: Ftojmë prokurorinë, qeverinë, Ramën, ministrin e Brendshëm, opozitën, prokurorët e SPAK të hetojnë këtë ngjarje që ishte një tentativë për vrasje e artistëve që ishin brenda teatrit. Kemi kontaktuar dhe me ndërkombëtarët dhe kërkuam që të zbardhet kjo ngjarje. Godina nxorri në pah problemet e demokracisë shqiptare. Simbolika e Teatrit nuk ishte vetëm godina, po qëndrimi në këmbë i demokracisë, se u shemb me ligje antikushtetuese. Duke qenë se mungoi drejtësia, ne u detyruam ta mbronin fizikisht godinën dhe ne u gjendëm të vetëm pa asnjë mënyrë se si ta zgjidhnim. Ja pse godina nuk ishte Teatrit Jonë, po Teatri juaj. Shembja në mënyrë mafioze me goditje të përqendruar ishte nga ana e qeverisë për t'ju thënë që qytetaria ka vdekur. Prandaj ishte aq arrogante, për t'ju thënë që Shqipëria nuk bëhet më. Ndodh e kundërta, ata kujtuan se me shembjen e  godinës do e bënin  Do flasin vetëm mbrojtësit e teatrit, e kemi bërë listën vetë, janë njerëz që janë investuar me aktivitet të përditshëm për të mbrojtur teatrin, dhe asnjë protagonizëm politik", tha Budina.

Teksa mbante fjalim përpara protestuese, një shashkë shpërtheu mes protestuesve. Ai i ka bërë thirrje protestuesve që të ndalojnë provokimet, pasi kjo protestë është kryefjalë janë vlerat kulturore.

"Mbani qetësi, se jemi për të treguar vlerat tona, nuk jemi këtu kundër policisë dhe për të dhunë, ndaloni provokimet urgjent. Nuk kemi interes policisë, por zgjimi i vlerave të qytetarisë, që ju të çlironi energjitë pozitive", tha Budina.

I rrethuar nga militantët e partisë, Lulzim Basha i ka arritur te protesta e organizuar nga artistët te Ministria e Brendshme.

Kryetari i PD-së Lulzim Basha po i bashkohet protestës së Aleancës për Mbrojtjen e Teatrit Kombëtar, që u shemb ditën e djeshme.

Në një intervistë për Report Tv, ish- deputetja e LSI-së, Floida Kërpaçi ka deklaruar se është në këtë protestë për të ardhmen e saj, teksa u bëri thirrje qytetarëve që të bashkohen në protestë, kundër kësaj qeveria.

"Ka një prezencë të jashtëzakonshme, kjo pjesëmarrje është një thirrje e madhe që shkon për çdo qytetar për t'u zgjuar sepse koha është sot, nuk lejojmë që një i çmendur të na çmend të gjitha! Ky bashkim i madh është një thirrje se sot më shumë se kurrë kemi nevojë për ta bërë Shqipërinë shtëpinë tonë. Jam bashkuar thirrjes së Aleancës, çdo skenar, çdo orar do të varet nga ata, se ato janë organizator, bashkimi jonë është një 'jo' e madhe ndaj kësaj qeverie, për një të ardhme më e mirë. Nuk mund të lejojmë që ajo që ndodhi me Teatrin, në mënyrën më frikacake, të shemben ëndrrat e rinjve dhe e ardhmja jonë.

Nuk i trembet shoqërimit të policisë, dhe as Ramës, jam një e re me ëndrra dhe idelale. Do përballem dhëmbë më dhëmbë, sy më sy, me çdo qeveritar që guxojnë të dhunojnë gratë,me vajzat dhe qytetarët. Është koha që të largohet një orë më para", tha Kërpaçi.

Ish- deputeti i PD-së, Enkeljed Alibeaj në një intervistë për Report Tvka deklaruar "si një ekspert i protestave", se pjesëmarrja ka për të qenë shumë e lartë. Ai ka sqaruar se nuk e kanë bojkotuar Këshillin për Reformën Zgjedhore, do të jenë në mbledhjen e  radhës, por për të pritur një përgjigje për propozimet që ato kanë bërë.

Pritshmëritë nga kjo protestë?

I kemi mbështetur që para 2 vitesh, opozita në mbështetje të aleancës. Dhe në mënyrë të pabesë, natën, në shkelje ligjore rrëzuan rrënojat dhe kam një përshtypje se ato rrënoja i kallin më tepër datën Ramën. Sot është një faltore e qëndresës. Mbështetje jo vetëm publike, por mendoj që pjesëmarrja do të jetë vërtetë e madhe. Jemi bërë ekspert të protestave, dhe duke krahasuar me protestat tona do të jetë një pjesëmarrje të madhe. Një kauzë apolitike të krijuar nga qëndresa e artistëve, të ekzaltuar dhe pa pabesia e Ramës ka prekur telat më intim të çdo shpirti njeriu, kanë një mundësi të mirë që të shohin një atmosferë lirie. Do jetë aq e madhe, sa frika e pjesëmarrjes ka shkuar deri në kryeministri, madje edhe në Surrel. Nuk besoj të ketë sulme, nëse do ketë provokime nga policia, kam përshtypjen që masiviteti i njerëzve është i tillë sa nuk do ta lejojnë. Nuk ka forcë më të madhe se bashkimi i njerëzve.

Çfarë kërkon PD-ja nga kjo protestë?

Kjo është një protestë që mori shkas, e kërkuar me ngul nga Rama, e ka pasur në mendjen e tij, duke ikur në të gjitha dimensionet e veta, të vidhte ato para dhe nga Teatri. Kauza është më e madhe, është Teatri që është në çdo cep.

Do bojkotojnë Këshillin Politik të Reformës?

Edhe duke shkuar te Këshilli i Reformës Zgjedhore, nga partnerët ndërkombëtar, i keni parë sinjalet e forta kundër qeverisë, është një detyrim karshi tyre, ne po provojmë në Ref. Zgjedhore, kemi çuar të gjitha instumentat e mirë që do të bëjnë të mundur që shitja e votës, terrori i administratës, terrori i votës të mos jenë pjesë e zgjedhjes. Mbetet në dorën e tyre, sot nuk shkuam për këtë arsye, ku ka më mirë, që në atë reformë zgjedhore synojnë të jenë të lirë, kështu preferojnë më shumë të jenë sot këtu, sesa në tryezë. Do shkojmë në mbledhjen e radhës, por për të pritur përgjigjen, për propozimet tona.  

Protesta të tjera nga opozita?

Ne jemi në intensitetin më të lartë të aksionit politik , që zhvillohet në marrëdhënien që kemi me reformën Zgjedhore. Mbetet për t'u pritur se cdo të ndodh më 31 maj dhe shprehjen e KE për hapjen e negociatave dhe pastaj do të vendosim.

Çfarë do u thuhet qytetarëve që nuk e mbrojtët dot Teatrit?

Kemi lidhur një kontratë dhe e kemi marrë shumë seriozisht, ne do i qëndrojmë asaj kontrate, do rindërtohet Teatri nga rifillimi, varri politik dhe juridik të Ramës dhe Veliaj të Tërmetit.

Ka nisur instalimi i kordonit të policisë në hyrje të pedonales së Tiranës. Ajo që vihet re është se një pjesë e mirë e efektiveve janë vajza, e ndërsa të gjithë efektivët janë të pajisur me maska.

Në tarracat e të gjitha institucioneve janë instaluar forca policie që po bëjnë monitorim të protestës, një pamje kjo e parë në të gjitha protestat.

Kur kanë mbetur vetëm pak minuta, nga nisja e protestës, ka nisur të instalohet podiumi ku pritet të flasin figura të Aleancës për Mbrojtjen e Teatrit. Ajo që vihet re, ndryshe nga protestat e kaluara, podiumi nuk është aq pompoz, po një strukturë shumë e thjeshtë.

Një nga protestuesit e shumtë që janë mbledhur përpara Ministrisë së Brendshme ka tërhequr vëmendjen! Në duar ai nuk mban një pankartë, por ka zgjedhur një buqetë me lule, me karafil të bardhë dhe kuq, ku shkruan: Dy teatrot do të rrojnë përjetë në kujtesën tonë. 

Ish-deputeti i PD-së, Enkelejd Alibeaj është figura e parë e demokratëve që ka mbërritur në shesh në protestën që prite të fillojë në orën 16:30. Report Tv mëson se kanë nisur vendosja e autoparlanteve të policisë, ku referuar të kaluarës, përdoren nga uniformat blu për t'u bërë thirrje turmës për qetësi, në rast incidentesh.

Blindohet Kryeministria. Ashtu siç ka ndodhur edhe më herët në protestat e organizuara nga opozita, po jo vetëm, dyert e kryeministrisë i janë vendosur një shtresë e blinduar. Ndërkohë që ka mbërritur edhe një autoblind me ujë, që do të shpërbejë për shpërndarjen e turmave, nëse do të ketë tensione.

Anëtarët e degës së Partisë Demokratike në Berat janë nisur drejt Tiranë për t'i bashkuar thirrjes së Aleancës së Mbrojtjes së Teatrit dhe Lulzim Bashës për të protestuar në orën 16:30. Kryetari i PD Berat, Gazmend Azizi shprehet se për shkaka të kontrolleve nuk janë lejuar një pjesë e mirë e qytetarëve të mos i bashkohen protestës, ndërsa shton se qarkullimi po bëhet në bazë të rregullave anticovid të vendosura nga qeveria duke marrë lejen përkatëse.

"PD i përgjigjet thirrje së aleancës dhe ftesës së Bashës për të qenë pjesë e protestës në Tiranë në mbrojtje të te drejtave të njeriut. Nxjerrja e postblloqeve penguan lëvizjen e lirë të qytetarëve duke sjellë pamundësinë për qenien në protestën paqësore në Tiranë. Ne po mundohemi të zbatojmë të gjitha rregullat e lëvizjes së lirë në këto kushte pandemie duke respektuar distancmin social për të qenë pjesë e kësaj proteste", shprehet Kryetari i PD Berat, Gazmend Azizi

Report Tv ka zbardhur mesazhin që Lulzim Basha u ka dërguar demokratëve për protestën e sotme në orën 16:30. Lideri demokrat u kërkon demokratëve që të jenë fuqishëm sot në protestë.

Report Tv ka siguruar pamje me dron nga rrethrrotullimi i Bradasheshit, ku gjatë ditës së sotme ka pasur radhë të gjata makinash dhe trafik të shtura për shkaka të kontrolleve që po u bëhet makinave një më një.

Kontrollet vijojnë për të shmangur lëvizjen e militantëve për të ardhur në protestën që pritet të mbahen pasditen e sotme në orën 16:30.

Radhët e gjata kanë sjellë revoltim dhe nervozizëm tek qytetarët, të cilët po lëvizin për arsye të ndryshme"

'Kam një orë e gjysmë e bllokuara këtu, po shkoj në Lushnje", tha e nervozuar një qytetare.

Një tjetër shtetase tha se "po shkoj në Tiranë për vizita të planifikuara, nuk kam lidhje me asgjë tjetër"  

Policia e Kukësit ka vendosur postbllok në dalje të qytetit përbri Urës së Drinit të Zi që lidh njërin prej segmenteve të rrugës së kombit, Kukës-Tiranë. Të gjithë automjetet i nënshtrohen kontrollit të policisë pavarësisht se zona e Kukësit është e gjelbër dhe mund të lëvizë lirisht brenda këtyre zonave, por jo në ato të kuqe.

Kontrollet kanë nisur pas protestës që do të organizohet pasditen e sotme në Tiranë dhe organizmit të strukturave të PD për të sjellë sa më shumë persona gjatë tubimit.

Kreu i PD në qarkun e Fierit, Luan Baçi ka thënë se protestuesit po i përgjigjen thirrjes së Bashës për të mbështetur protestën e Aleancës për Mbrojtjen e Teatrit, duke lëvizur më makina private. Amë këtë qëndrim duket se ai po i bën ''karshillëk'' rregullave antiCOVID të vendosura për mbrojtjen e shëndetit, duke thënë se në ehde nëse ndalohen do të gjejnë mënyra të tjera pë rtë ikur.

"Jemi të ndërgjegjshëm për problemet që do të kishte kjo protestë. Jemi në mbështetje të artistëve. Protestuesit po shkojnë në Tiranë me automjete private, në bazë të rregullave. Ka pasur probleme dhe ka makina që janë kthyer por kemi gjetur rrugë të tjera. Policia po bën presion me ata protestues që janë proceduar gjatë protestave të mëparshme. Telefonata edhe ndaj kryetarëve të grup seksioneve që kanë qenë të proceduar për t'i intimiduar. Problem do te jete kthimi nga Tirana pasi është zonë e kuqe", tha Baçi.

Partia Republikane i ka bërë thirrje të gjithë qytetarëve se sot duhet të dalin në protestë për artistët pas prishjes së Teatrit. Në mbledhjen me Kryesinë e Partisë Fatmir Mediu thotë se pas kësaj proteste opozita duhet të dalë me një qëndrim të qartë për të garantuar zgjedhje të lira e të ndershme.

“PR do të jetë sot me artistët. Opozita jo vetëm do të jetë e bashkuar brenda vetes së saj, por do jetë me çdo qytetar, të majtë e të djathtë. Nuk është vetëm protesta e sotme, por opozita duhet të hapë sytë e saj dhe të qytetarëve se nuk duhet të vazhdohet kështu. Rama po e rikthen vendin në kohët e errëta të diktaturës. Në mbledhjen e sotme të Kryesisë së PR kemi kërkuar një mbështetje dhe angazhim masiv për protestën e sotme. Pas kësaj proteste, opozita duhet të dalë me një qëndrim të qartë për të garantuar zgjedhje të lira e të ndershme,”- tha Mediu.

Vetëm pa orë para protestës që pritet të nis më 16:30, ministri i Brendshëm, Sandër Lleshaj ka mbledhur strukturat e policisë. Gazetari Merin Maçi i Report TV do të jenë rreth 1000 efektivë të policë që do të jenë në gatishmëri për të siguruar mbarëvajtjen e protestës, pjesë e të cilave do të jenë edhe efektivë nga njësia anti-terror, FNSH dhe RENEA në gatishmëri për çdo situatë.

Gazetari i Report Tv, Merin Maçi shprehet se arsyeja e pjesëmarrjes se anti-terrorit në këtë protestë vjen pas gjetjes së lëndëve plasëse molotov  mbrëmjen e kaluar pranë Xhamisë së Namazgjasë te hyrja e Parlamentit.

Kryetarja në detyrë e Bashkisë Shkodër, Voltana Ademi ka bërë thirrje qytetarëve për protesta për të mbrojtur sipas saj demokracinë, e cila është në rrezik më shumë se asnjëherë. Pas protestës së djeshme, Voltana Ademi me një status në facebook bën thirrje qytetarëve "të japin kontributin e tyre në këto momente të vështira për të mbrojtur të drejtat e tyre që nëpërkëmbën nga kryeministri".

"Është detyrë e çdonjërit prej nesh, e çdo shqiptari të japë kontributin e tij për Shqipërinë, në këto momente shumë të vështira! Nuk është çështje partish, nuk është çështje thjesht e zëvendësimit të një qeverie me një tjetër! Është çështje e DEMOKRACISË që sot është në rrezik më shumë se asnjëherë! Ky kryeministër, jo vetëm nuk pyet për institucione, jo vetëm nëpërkëmb çdokënd që e kundërshton, jo vetëm shkel liritë e të drejtat më elementare të qytetarëve, por dhunon ditën për diell edhe në fokusin e mediave gazetarë, studentë, të rinj e të moshuar", shkruan Ademi.

Në kohë pandemia dhe fatkeqësie natyrore në të cilën ndodhet vendi, protestat dhe grumbullime janë të ndaluar me ligj dhe është end e paqartë se si këto qytete duhet të mblidhen në Tiranë dhe të mbështesin opozitën në thirrjen e saj.

Edhe në Gjirokastër janë rritur kontrollet dhe postblloqet për mjetet që lëvizin në mënyrë që të shmanget udhëtimi i tyre drejt Tiranës. Udhëtimi drejt kryeqytetit nuk lejohet pasi ajo është një zonë e kuqe dhe me rrezik të lartë infektimi, por edhe për të shmangur grumbullimin e qytetarëve që Lulzim Basha ka thërritur për t'iu bashkuar në tubimin e orës 16:30, ku PS ka organizuar strukturat e veta për të sjellë njerëz.

Që në orët e para të mëngjesit në rrugët që lidhin Elbasanin me Tiranën janë vendosur post-blloqe të shumta duke kontrolluar shumicën e drejtuesve të automjeteve. Por kjo situatë ka krijuar një trafik të rënduar në rrethrrotullimin e Bradasheshit, aq sa edhe një autoambulancë e pati të vështirë të çajë mes automjeteve të bllokuara në radhë kilometrike.

Burime për ReportTv thonë se nuk janë lejuar të kalojnë drejtuesit e makinave që nuk figurojnë rezidentë në Tiranë, apo që nuk punojnë në kryeqytet.

Vetëm në aksin Elbasan-Bradashesh janë vendosur 3 postblloqe të cilët kontrollojnë automjetet.

Krijohet trafik i rënduar te rrethrrotullimi i Bradasheshit në Elbasan, pasi në të është ngritur një postbllok për të mos lejuar asnjë automjet t'i drejtohet Tiranës. Kjo për respektimin e rregullave të vendosura nga qeveria, por edhe për të shmangur militantët t'i përgjigjen thirrjes së kreut të PD-së për tubimin e orës 16:30 në Tiranë.

Për shkak se mjetet po kontrollohen një më një, ka sjellë dhe një rëndim të trafikut. Gjithashtu aty është bllokuar edhe ambulanca, e cila ishte me sirena ndezura për të transportuar urgjent një pacientë. Është dashur ndërhyrja e policisë, për të bërë të mundur që ajo të kalojë dhe të vazhdojë rrugën drejt Tiranës.

Në lidhje me pikat e kontrollit në Bradashesh ka reaguar dhe ish deputeti i PD-së, Luçiano Boçi i cilëson si terror që qeveria kryen ndaj qytetarëve, në një kohë kur ata duhet të jenë të lirë të lëvizin.

"Për të parë tmerrin që ka pushtuar regjimin e Ramës nga reagimi qytetar, nuk mjaftojnë vetëm pamjet  e vrerosura të kalorësit të çmendur të apokalipsit historik e kulturor. Ai lexohet mirë me dhunën dhe arrogancën e policisë së partisë. Grahmat e fundit kanë hyrë në fazën e numërimit mbrapsht. Me urdhër të grahmave të tij dhe sot, megjithëse është dita e hapjes së madhe, është bllokuar përsëri rrethrrotullimi i Bradasheshit, Elbasan në drejtim të Tiranës. Regjimi kërkon oksigjen nëpërmjet terrorit dhe marrjes së asaj pak lirie të njerëzve, pasi i ka grabitur çdo gjë tjetër. Por përballja s’ka për të vonuar dhe vdekja që Rama kërkon të mbjellë, do ta marrë me vete në fatin e tij politik, të volusor tashmë në rrënojat e kazmës së tij ndaj historisë e demokracisë", shkruan Boçi.

Një ditë pas shembjes së godinës, gjithçka ka mbetur nga Teatri Kombëtar janë vetëm gërmallat dhe materialet inerte, ndërsa tek artistët e qytetarët kanë ngelur kujtimet dhe nostalgjia për momentet e përjetuara në atë godinë.

“Shihemi në 16:30" kjo është fjalia që Aleanca për Mbrojtjen e Teatrit mbylli protestën e dhunshme një dite më parë dhe thirrja për ditën e sotme që Aleanca u bën qytetarëve të dalin për të mbrojtur të drejtat e tyre.

Sot nuk do të protestohet për teatrin, pasi ai iku,  por për të luftuar diktuarën, që sipas Aleancës për Mbrojtjen e Teatrit qeveria tregoi me shembjen e pabesë të godinës.

Protesta e artistëve dhe qytetarëve do të mbështetet edhe nga PD e LSI, të cilat u kanë bërë thirrje mbështetësve të tyre por dhe gjithë qytetarëve t’i bashkohen për të mbrojtur të drejtat e tyre dhe luftuar tiraninë e vendosur nga Rama. Vendimi i opozitës u morr në orët e vona të mbrëmjes së 17 majit, pas mbledhjes në selitë e tyre. Madje Basha premtoi se do të rindërtojë Teatrin Kombëtar ashtu siç ishte kur PD të qeverisë. Opozita nuk do të jetë organizatore e këtyre protestave por vetëm mbështetëse dhe me shumë gjasa regjisori Roberd Budina që mbylli protestën e djeshme, do të hap edhe atë të sotmet para Ministrisë së Brendshme.

12 orë protestë  të një dite më parë u shoqëruan me dhunë fizike, përplasje dhe tensione mes policisë dhe protestuesve e deri në përdorimin e gazit lotsjellës dhe sprajit djegës nga ana e efektivëve blu.

Ndërsa nuk munguan edhe shoqërimet në komisariate të qytetarëve , artistëve, gazetarë dhe përfaqësuesve politikë.