Shembet Teatri, Report TV siguron videon e nxjerrjes së gardërobës dhe rekuizitat nga godina! Dorëzohen tek ArtTurbina

Me shembjen e godinës së Teatrit Kombëtar në orët e para të mëngjesit, policia ka bërë edhe zbrazjen e sallave duke nxjerrë jashtë karriget, sistemin e ndriçimit, pajisjet elektronike dhe video e audio, gardërobën dhe çdo objekt tjetër që ndodhej brenda saj.

Në një video të siguruar në mënyrë ekskluzive nga Report TV, duken punëtorët, të cilën po nxjerrin e rekuizitave dhe gardërobës duke i sistemuar ato për t'ia dorëzuar Institucionit të Teatrit tek ArtTurbina.

Ata janë vendosur në hapësirën e jashtme të godinës së Teatrit Kombëtar duke u sistemuar dhe më pas të transportohen dhe të merren të dorëzim nga Institucioni i Teatrit ArtTurbina.

Megjithëse në video duket se të gjitha objektet në brendësi të teatrit janë nxjerrë jashtë dhe të sistemuara, më herët Monika Kryemadhi tha se Henri Culi ka firmosur një procesverbal që aty brenda s’ka asgjë, duke lejuar prishjen e godinës.  

"Në dijeninë time, më thonë që drejtori i Teatrit ka firmosur një procesverbal që aty brenda s’ka asgjë. Nëse e ka bërë këtë gjë, nuk ka kazino Hervin Culi që të shpëtojë dhe nuk ka audit të të shpëtojë për këtë gjë, nëse ti e ke firmosur. Sepse nëse të kërcënon Edi Rama me auditin e teatrit do ta paguash gjithë jetën tënde jo vetëm me auditin, por gjithë jetën tënde atë që ka bërë sot, atë që iu ka bërë kolegëve të tij. E njoh Hervin Culin e kam mik, por më vjen shumë keq që ka rënë kaq poshtë që të firmosë një gjë të tillë. Turp për të dhe turp për ata që e kanë lejuar të bëjnë këtë gjë", tha Kryemadhi nga Teatri Kombëtar.

Lajmi kryesor:

Shemben Teatri Kombëtar dhe Eksperimental, momenti kur futet policia dhe rrafshimi i godinave me fadroma

TAG:
• teatri kombetar
• shembja e teatrit
• garderoba