Sherr dhe përplasje fizike mes aktivistëve të Aleancës për Teatrin. Shkak mungesa e transparencës për fondet?

Një përplasje e fort  verbale që ka shkuar deri në përplasje fizike ka ndodhur sot mes aktivistëve të  “Aleancës për Tetarin”. Debatet kanë nisur qysh paradite, ndërsa pasqyrojnë tensionin e ditëve të fundit, kur një grup në të cilën bëjnë pjesë Neritan Liçaj, Adriana Kalaja, Edmond Budina, etj., duket se kanë krijuar shqetësim për aktivistët e tjerë me arrogancën për mungesën e transparencës dhe përpjekjen për të diktuar aksionin politik të aktivistëve.

Disa prej aktivistëve grupuar rreth Kastriot Çipit, Elona Casllit, Mirela Jorgos kanë debatuar dhe për pak situate ka shkuar deri tek përleshja fizike nëse nuk do të kishte ndërhyrë një punonjës I policisë private I pranishëm aty.

Në qendër të debatit duket se janë mungesa e transparencës për fondet e mbledhura, dhe akuza të ndërsjella mes tyre për implikime politike.

Pas sherrit që degradoi në dhunë fizike, shumë aktivistë kanë lëshuar sheshin e Tetarit, ndërsa po përpiqen të vazhdojnë debatin në forma të tjera.

Aleanca për Teatrin u organizua të mbledh ndihma ditët e fundit në ndihmë të familjeve të prekura, por disa nga dhuruesit shprehën hapur dyshimet, pasi grumbulluesja e fondeve Adriana Kalaja, kërkonte t'i paganin ato “cash” pranë saj dhe jo në ndonjë llogari bankare. Pas shumë shqetësimesh të tilla, kanë nisur debatet që sot duket se degraduan dhe në dhunë fizike. /GazetaTema

G.M./Shqiptarja.com

TAG:
• edmond budina
• neritan licaj
• termet me viktima ne Shqiperi
• adriana kalaja