Shkelën masat COVID/ Policia gjobit 1231 qytetarë gjatë fundjavës! 1227 persona u kapën pa maska në rrugë (VIDEO)

Pavarësisht se gjatë javëve të fundit në vendin tonë është vënë re një rritje e lehtë e rasteve me COVID, qytetarët vijojnë të neglizhojnë masat parandaluese.

Gjatë fundjavës policia e shtetit ka gjobitur 1231 qytetarë të cilët shkelën masat antiCOVID ku 1227 prej tyre u konstatuan duke lëvizur pa maska në rrugë.

Ata do të ndëshkohen me 3000 lekë, shumë e cila do t'u faturohet në faturën e energjisë elektrike.

Gjatë kontrolleve të policisë, 12 persona nuk ishin të pajisur me mjete identifikimi të cilët u shoqëruan në komisariat. Pas identifikimit atje, policia i gjobiti me 3000 lekë e më pas u lanë të lirë.

Ndëshkimit nuk i ka shpëtuar dhe një lokal i cili ushtronte aktivitet në kundërshtim me protokollet e sigurisë. Pronari i këtij biznesi u gjobit me 1.000.000 lekë.

Gjithashtu, gjatë kontrolleve në fundjavë janë konstatuar 3 qytetarë që lëviznin në rrugë gjatë orarit të ndaluar të lëvizjes, pa arsye të domosdoshme, të cilët janë ndëshkuar me masën administrative 10.000 lekë secili.   

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Gazetari Xhunga: Berisha nuk zbret nga kati i 8-të, Rithemelimi më i izoluar se talebanët

Gazetari Xhunga: Berisha nuk zbret nga kati i 8-të, Rithemelimi më i izoluar se talebanët