'Goditen' 2 call center në Shkodër! 7 të arrestuar, në kërkim administratorja dhe 3 organizatorët (EMRAT+VIDEO)

SHKODËR- 7  në pranga, 4 persona në kërkim dhe 25 nën hetim ka qenë bilanci i 2 operacioneve policore të koduara 'North Forex 2' dhe 'North Forex 3' për veprën penale të mashtrimit kompjuterik në Shkodër. Bëhet fjalë për 2 subjekte call center,punonjësit e të cilave akuzohen për mashtrim. Nga ky operacion janë sekuestruar 5 pajisje kompjuterike dhe lista me të dhënat e shtetasve që dyshohet se janë mashtruar nga punonjësit e këtyre subjekteve.

Raporti i policisë konfirmon se me të arrestuarve ka qenë një administrator dhe drejtues grupi të call center. Bëhet fjalë për Asllan Deda administrator, Silvano Çeraji, Indira Toska, Alketa Smakaj e Mirsada Shabani, drejtuese grupi në këtë subjekt. 

Si rezultat i operacionit policor të koduar “North Forex 3” u arrestuan në flagrancë shtetasit me iniciale M. Z. dhe E. H., drejtues grupi në subjektin tjetër call center.

Gjithashtu, u bë shpallja në kërkim e shtetasve: Ersenida Elezi administratore e këtij subjekti, E. D., Arsid Rrabosha dhe Arjodita Rraboshta ( bashkëpronare) në kërkim, të dyshuar si organizatorë të veprimtarisë kriminale të këtij subjekti, që ushtrohej në një filial, në Tiranë.

Në vijim të veprimeve procedurale janë referuar materialet në Prokurori dhe ka nisur procedimi penal në gjendje të lirë për 25 shtetas të tjerë, të cilët ishin punësuar si operatorë në këto 2 subjekte call center.

Aktiviteti kriminal konsiston në mashtrimet kompjuterike nëpërmjet programeve dhe platformave të ndryshme kompjuterike, si First Time Depozite, Vicidal, Forex dhe Exchange, në dëm të shtetasve të huaj, kryesisht nga vendet e Bashkimit Evropian.

Operatorët e këtyre subjekteve telefonin shtetas të ndryshëm, kryesisht të huaj, më qëllim që t’i bindnin për të investuar shuma të ndryshme parash në platformat e lartpërmendura. Policia gjeti dhe sekuestroi pesë pajisje kompjuterike dhe lista me të dhënat e shtetasve që dyshohet se janë mashtruar nga punonjësit e këtyre subjekteve.

Në bashkëpunim me Prokurorinë pranë Gjykatës së Shkallës së Parë Shkodër dhe në koordinim me organet e tjera ligjzbatuese, po vijojnë hetimet, me qëllim verifikimin e të gjitha investimeve në pasuri të luajtshme dhe të paluajtshme që kanë kryer personat e përfshirë në këtë veprimtari, me qëllim konfiskimin e të gjitha aseteve të përfituara nga kjo veprimtari kriminale.  Materialet procedurale iu referuan Prokurorisë pranë Gjykatës së Shkallës së Parë Shkodër, për veprat penale “Mashtrimi kompjuterik”, kryer në bashkëpunim dhe “Pastrimi i produkteve të veprës penale ose veprimtarisë kriminale”.

Kujtojmë se ditën e djeshme policia e Shkodrës ka shoqëruar 150 persona për mashtrim me anë të call center. Të shoqëruarit u morën në pyetje nga policia në lidhje me veprimtarinë e Call Centrave në Shkodër.

K.T./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tan prela: 05/07/2022 18:51

    Shkodranet kan ik

    Përgjigju
  • gjergji: 01/07/2022 18:29

    Eshte thjesht e ditur dhe e qarte per ate qe asht shkodran vendali i vjeter.Te gjithe hajdutet,kriminelet e imoralet e dalur nga burgu ne 1990 jane sot aktivistet e mbeshteja kryesore e PD se Salukut ne Shkoder e kesaj bande e mbushur me njerez te dhuneshem,hajdut te korruptuem.Ishin ato qe vodhen grabiten dyqanet e Shkodres banken e Shtetit,fabrikat e uzinat,deri shinat e hekuridhes i vodhen e i shiten ne Mal te Zi. Kjo eshte e verteta e fatkeqesia e Shkodres e pamundesia me u ballafaqu me kto banda e zgjodhen me te lehten e mundeshme largimin nga qyteti per te shpetu vehten e familjet e tyre.

    Përgjigju
  • M lici: 01/07/2022 17:21

    Po normal se vetem me kto qe kane lek merren se kriminelat i kane neper Shkoder perdite e sja mban mi i kape as bajrat as caft

    Përgjigju
  • Kasapi: 01/07/2022 15:11

    Po bajrat, livt erj erj kur doni kapni apo kur re hapun call entera

    Përgjigju
    • Kasapi: 01/07/2022 17:20

      Po prekesh ti se po permend bajrat apo je nji nga ata. Po je bajrash je kriminel po sje je prap kriminel

    • pa emer: 01/07/2022 16:24

      cfar problemi ke me bajrat ti ma shoku

  • piazza: 01/07/2022 15:10

    Çfarë jeni lodhë duke shkuar në Shkodër në ketë vapë o Shteti , Hajdeni në Qendër të Tiranës prapa Paicës rr. Sulejman Pasha cell centri me 70 vetë me xhama gri kati parë pallatit po bëjnë namin prz pse lodheni deri Shkodër kot apo e bëni për të marrë DJETA????

    Përgjigju
  • Sondazhi i ditës:

    A jeni dakord me nismën e PS për të zbuluar politikanët bashkëpunëtorë të ish-sigurimit?



×

Lajmi i fundit

Raq Manushi, sportisti dhe qytetari

Raq Manushi, sportisti dhe qytetari