Shkodër/ I vendosi gjobë për parkim të gabuar, i riu i thyen xhamin makinës së policisë! Arrestohet 37-vjeçari

Shkodër/ I vendosi gjobë për parkim të gabuar, i riu i thyen xhamin makinës së policisë! Arrestohet 37-vjeçari

Foto ilustruese

SHKODËR - Një 37-vjeçar është arrestuar në Shkodër pasi i theu xhamin e makinës së policisë të cilët e gjobitën për parkim të gabuar.

Ngjarja ndodhi në lagjen Perash të Shkodrës ku policia gjobiti të riun pasi ai kishte parkuar makinën e tij në korsinë e biçikletave.

Më pas, 37-vjeçari me iniciale E.V. ka thyer xhamin e makinës së policisë dhe në momentin e shoqërimit ka kundërshtuar efektivët.

"Ky shtetas ka qenë duke lëvizur me mjet në lagjen Perash, Shkodër, në afërsi të “Urës Dervishbeg” dhe pasi shërbimet e Policisë Rrugore i kanë vendosur masë administrative për parkim të gabuar në korsinë e biçikletave, ai ka thyer xhamin e mjetit të Policisë dhe në momentin e shoqërimit ka kundërshtuar forcat e Policisë së Rendit Publik" - njofton policia.

Materialet iu referuan Prokurorisë së Rrethit Gjyqësor Shkodër, për veprën penale “Kundërshtimi i punonjësit të policisë së rendit publik”.

Ndërkohë në Elbasan një 19-vjeçar me iniciale A.J. ka goditur efektivin e policisë për shkak të detyrës. Më pas ai u arrestua.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot