TIRANE-Në 24 orët e fundit në Shqipëri janë regjistruar 28 raste të reja me koronavirus nga 149 teste (2396 në total) që janë bërë, duke e çuar në total numrin e të infektuarve në 361. Mes 28 personave që kanë rezultuar të prekur me COVID-19 është edhe një fëmijë. Krahasuar me ditën e djeshme, ku ishin 29, sot është regjistruar një i infektuar më pak.
Një lajm i mirë përsa i përket të shëruarve, pasi numri është rritur me 5 në 24 orët e fundit duke e dërguar në 104 në total. Aktualisht në dy spitalet COVID ndodhen 71 pacientë, prej të cilëve 64 te infektivi nga të cilët 5 në terapi intensive dhe një i intubuar, ndërsa të tjerët e Sanatoriumi. Ndërkohë që numri i viktimave arriti në 20 me 3 rastet që u shënuan në 24 orët e fundit. Dje ndërruan jetë dy persona në Tiranë dhe një në Shkodër duke rënduar akoma më shumë bilancin.
Drejtoresha e Institutit të Shëndetit Publik Albana Fico referuar rastit të së moshuarës që ndërroi jetë në Shkodër sqaroi se "Gjatë mbrëmjes së djeshme afër mesnatës se një 80-vjeçarja nga Shkodra ka ndërruar jetë në Spitalin Rajonal të Shkodrës. E moshuara ishte paraqitur mëngjesin e datës 4 Prill në spital. 80-vjeçarja u izolua si e dyshuar me COVID dhe i janë bërë të gjitha ekzaminimet e duhura. E moshuara ishte vendosur menjëherë në terapi intensive. Në mbrëmje ka dalë përgjigjia e analizave, pozitive me COVID-19. Për shkak të gjendjes së rënduar shëndetësore transporti ka qenë i pamundur dhe afër mesnatës e moshuara ka ndërruar jetë".
Të dhënat e 24 orëve të fundit në Shqipëri
28 raste të reja me COVID-19, shkon në 361 numri i të prekurve
5 të shëruar në 24 orë, shkon në 104 numri i të shëruarve
71 pacientë në dy spitalet COVID
Te spitali infektiv
64 të shtruar
5 prej tyre terapi intensive
Një është i intubuar
Te spitali “Shefqet Ndroqi”
7 pacientë të shtruar
6 prej tyre në terapi intensive, prej të cilëve 2 janë të intubuar, një në pavion
Harta e të prekurve nga COVID-19 zgjerohet në Tiranë, Durrës, Elbasan dhe Shkodër
- Tiranë 174 raste
- Durrës 36 raste
- Lushnje 5 raste
- Elbasan 10 raste
- Fier 25 raste
- Kavajë 8 raste
- Rrogozhinë 4 raste
- Korçë 16 raste
- Vlorë 5 raste
- Shkodër 38 raste
- Lezhë 14 raste
- Berat 1 rast
- Has 9 raste
- Krujë 5 raste
-Tropojë 4 raste
- Pukë 4 raste
- Mirditë 3 raste
Kjo rritje e numrit të rasteve në Shkodër dhe Tiranë sipas Ficos tregon edhe njëherë mos respektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë ne komunikimet publike. "Aktualisht po kryhet hetimi epidemiologjik në terren edhe me një ekip të Institutit të Shëndetit Publik. Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40" mbyllet deklarata e Albana Ficos.
Mëngjesin e sotëm është dezinfektuar pallati i bashkëshortëve që rezultuan pozitiv me COVID-19 dhe që mbrëmjen e djeshme u dërguan në Tiranë pasi gjendja e tyre po përkeqësohej. Çifti i të moshuarve jetonin në lagjen 15 tetori të Fierit. Ndërkohë ISHP ka marrë tamponet edhe për familjarët e çiftit të moshuarve dhe fatmirësisht kanë rezultuar negativ dhe nuk janë infektuar nga COVID-19.
Ka rezultuar e prekur me koronavirus edhe gruaja e kasapit që u konstatua dje. 62-vjecari punonte në një dyqan mishi. Pas tij rezultoi pozitive edhe gruaja e kasapit. Nga 5 analiza që u morën në Elbasan, kontakte të 62-vjeçarit, vetëm gruaja e tij ishte e infektuar. Çifti i bashkëshortëve është në vetëkarantinim në banesën e tyre në Elbasan.
Në Shkodër ditën e sotme janë konfirmuar katër raste të reja me koronavirus duke e çuar në 38 numrin total të personave pozitiv në këtë qark. Mësohet se ditën e djeshme në Shkodër janë bërë gjithsej 15 testime, nga të cilat katër rezultuan pozitiv.
Të katër rastet kanë të bëjnë me familjet e atyre që rezultuan pozitiv para tre ditëve. Sakaq fatmirësisht raportohet se katër të infektuarit e ditës së sotme janë në gjendje të mirë shëndetësore.
Në 24 orët e fundit në Durrës u regjistruan 3 raste të reja me koronavirus. Një rast është një 73-vjeçar që kishte lidhje me 78-vjeçarin që humbi jetën para 3 ditëve, rasti i dytë është një 69-vjeçare. Kjo e fundit është vatër e re. Ndërsa rasti i tretë ka lidhje me rastet e shkuara dhe nuk ka kaluar nga spitali i Durrësit por ja ka marrë tamponin ISHP-ja.
Lajme të tjera
-
Urgjenca e re në ‘QSUT’ 44 ditë pa shërbim për shkak të zjarrit, Albana Fico largohet nga drejtimi! Alma Cani emërohet drejtoresha e re
25 Mars, 10:15 -
Tiranë/ Zjarr në urgjencën e re të QSUT-së, evakuohen pacientët! Urgjencat devijohen te Trauma dhe Sanatoriumi
11 Shkurt, 08:28 -
OBSH rekomandon që vaksina e COVID të injektohet çdo vit, studimi i ISHP: Krijohet mbrojtje
12 Nëntor 2023, 16:32
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40
