Shkon në mbi 230 mijë numri total i personave të vaksinuar, Manastirliu: 10791 vaksinime në 24 orët e fundit

Shkon në mbi 230 mijë numri total i personave të vaksinuar, Manastirliu: 10791 vaksinime në 24 orët e fundit

Një farmaciste duke u vaksinuar sot në Tiranë

Në ditën e 11 të vaksinimit masiv janë kryer 10791 vaksinime, duke e çuar numrin total të të vaksinuarve vend që nga nisja e fushatës në 232379.  Shifrën e bën të ditur Ministrja e Shëndetësisë, Ogerta Manastirliu, nëpërmjet një njoftimi në Twitter.

“10 791vaksinime sot. Nga fillimi i fushatës “Shqipëria buzëqesh” janë kryer 232 379 vaksinime”, shkruan Manastirliu.

Ndërkohë, ditën e sotme nisi edhe procesi i vaksinimit të farmacistëve, ku morën dozën e parë të AstraZeneca 100 farmacistë në Tiranë. Paralelisht në vend po vazhdon edhe vaksinimi i gazetarëve, uniformave blu dhe i të moshuarit mbi 65-vjeç

Ndërkohë që vijojnë të mbërrijnë doza të tjera vaksinash, ku dy ditë më parë mbërritën 7 mijë doza të Pfizer, që janë vetëm pjesa e parë e 22.230 dozave të kësaj vaksine që pritet të vijnë deri më 20 prill.

Një tjetër ngarkesë vaksinash ishte planifikuar të mbërrinte ditën e sotme, por që nuk erdhën për shkak të pezullimit të fluturimeve në Rinas, pasi kontrollorët deklaruan paaftësi në punë si pasojë e stresit të shkaktuar nga shkurtimi i pagave.

Vaksinimi masiv në vend ka nisur që prej 28 mars dhe po vijon me ritme mjaft të shpejta, ndërsa Barometri global e renditi Shqipërinë në vendin e parë për ritmin e vaksinimit në 7 ditët e fundit, duke lënë pas edhe Serbinë në rajon, por edhe vende të Bashkimit Evropian, të cilat e nisën më herët vaksinimin. 

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg