Shkurtaj rikthehet me gol te Kukësi, 'likuidon' Skënderbeun me një lojtar më pak! Të hënën derbi Dinamo-Tirana

Kukësi ka marrë fitoren e parë për 2022, pasi ka mposhtur Skënderbeun me rezultatin minimal 1-0. Verilindorët janë kanë dalë të marrin tre pikë të rëndësishme falë golit të Vasil Shkurtaj, i cili ka debutuar në mënyrë perfekte pas rikthimit në Superligë, në minutën e 82 të takimit, në një kohë kur Kukësi kishte mbetur me 10 lojtarë që në fundin e pjesës së parë. Nga ana tjetër korçarët marrin një goditje jo të lehtë në luftën për mbijetesë.

Java e 17 e Superligës ndërkohë do të mbyllet të hënën me derbin Dinamo-Tirana që do të luhet në orën 19:45 në stadiumin Air Albania. Dinamo vjen pas fitores së munguar që rastisi të jetë kundër Kukësit, ndërsa Tirana si kryesuese e Superligës dhe e qetë psikologjikisht.

“Pas ndërprerjes është forcuar akoma më shumë, duke i shtuar këtu edhe ekperiencën përveç cilësisë. Është një ndeshje e luftuar dhe që do përqëndrim maksimal. Mund të vendoset nga epidoset,”-deklaron Orges Shehi, trajner i Tiranës.

“Mendoj që i kemi mundësitë për të bërë një ndeshje shumë të mirë dhe për të luajtur që në fund të fitojmë tre pikët,”-u shpreh Bledi Shkëmbi, trajner i Dinamos

Aktualisht Dinamo renditet në vendin e 7 me 18 pikë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë mendoni se do të favorizojë votimi i emigrantëve në zgjedhjet e ardhshme?



×

Lajmi i fundit

John

Trishtim për tifozët holandezë, ja si e përjetuan humbjen në rrugët e Tiranës