Cuku 'Dëshmor Atdheu', Lleshaj i dorëzon titullin bashkëshortes së përlotur: U vra në formë të pabesë

Dy vjet pas vdekjes, shpallet "Dëshmor i Atdheut" kryepolici i vrarë në hyrje të shtëpisë së tij në Tiranë, Artan Cuku. Titulli Dëshmor i Atdheut iu dorëzua bashkëshortes së kryepolicit nga Ministri i Brendshëm Sandër Lleshaj. Ajo u shfaq para Ministrit e përlotur dhe mjaft e prekur.

Në fjalën e tij Lleshaj prezantoi kontributin e Cukut në Policinë e Shtetit dhe shprehu ngushëllime për të afërm dhe familjarë të cilët ishin të pranishëm në sallë. Ai tha se Artan Cuku e mbylli jetën në moshë të re në mënyrë të pabesë.

"Me vendim të Komsionit Qëndror të Statusit, Artan Cuku është nderuar me titullin e lartë Dëshmor i Atdheut.Cuku përfudnoi studimet për drejtësi. Ai kaloi një karrierë shumë dinamike duke mbajtur detyra të rëndësishme në polici. Ai e mbylli jetën e tij në moshë të re pas një vrasje në mënyrë të pabesë. Të nderuar jemi mbledhur sot këtu për të nderuar jetën dhe veprën e tij i cili nga sot i bashkohet Dëshmorëve të Atdheut. I shprehim ngushëllime të afërmve të tij, që kanë pasur nderin dhe fatin ta kenë pranë vetes. Radha e gjatë e Dëshmorëe të Atdheut është shembulli i kontributit. Ky numër i lartë dëshmorësh duhet të shërbeje si një thrrje për reflektim të lartë ndaj të gjithe vendit por edhe ndaj klaës politike. Besimi i qytetarëve mund të fitohet vetëm përmes përkushtimit. Shembulli i Cukut është shembull vlerash të larta. I përjetshëm kujtimi i tij", u shpreh Lleshaj.

Ish-drejtuesi i lartë i policisë, u vra më 8 prill të vitti 2017 në një atentat nga vrasës me pagesë në hyrje të pallatit të tij, në rrugën e "Kosovarëve"pranë Liqenit Artificial në Tiranë.

Një vit pas ngjarje Bashkia e Dibrës e shpalli Qytetar Nderi.

"Tani ishte njeri me surpriza, një njeri gazmor, ishte një baba që kur dilte në darkë më familjen, nëse kishte muzikë në sfond ai ngrihej të kërcente me vajzën, këndonim të katërt. Për 6- vjetorin e martesës kishte bërë një pakt me prindërit e mi që të kujdeseshin dy ditë për vajzat. Kishte përgatitur një udhëtim në Venecia, dhe avioni nisej në 3 të mëngjesit,e pashë që nxori valixhen, e pyeta ku do shkosh ti sepse e dija që nuk kishte më udhëtime pune, e me thotë: kemi vetëm 30 minuta kohë, se ne do ikim diku për 6-vjetorin e martesës", shprehej Marjola, bashkëshortja e Artan Cukut në një dokumentar bërë për të, prezantuar një vit më parë.

Për vrasjen e Artan Cukut në 8 prill 2017 pranë banesës së tij, policia e shtetit arrestoi Mikel Shallarin, vrasës me pagesë, ndërsa porositësi ishte Bledar Jambelli, i arrestuar në Greqi në pritje të ekstradimit.

G.M./b.ha./Shqiptarja.com

TAG:
• Artan Cuku