Aktori i famshëm Leonardo di Caprio vazhdon të bëjë përsëri thirrje për mbrojten e lumit të Vjosës.
Di Caprio ka reaguar nëpërmjet një video në ‘Instagram’ duke shkruar se javën e kaluar aktivistët në të gjithë Evropën i kërkuan qeverisë shqiptare dhe Komisionit të Bashkimit Evropian të mbështesin Parkun e Vjosës. Por, aktori i njohur shton se duhet të shpërndajmë këtë video dhe të pyesim drejtuesit më të mëdhenj të vendit, kryeministrin Edi Rama, presidentin Ilir Meta dhe krerët e opozitës Basha e Kryemadhi për tu solidarizuar me këtë nismë.
Për të treguar se janë solidarizuar me thirrjen e aktorit të njohur, presidenti i vendit Ilir Meta, kreu i Partisë Demokratike Lulzim Basha dhe kryetarja e LSI-së Monika Kryemadhi kanë shpërndarë videon e ku bëhet thirrje për mbrojtën e lumit Vjosë dhe shpalljes së tij Park Kombëtar.
“Javën e kaluar aktivistët në të gjithë Evropën i kërkuan qeverisë shqiptare dhe Komisionit të Bashkimit Evropian të mbështesin Parkun e Vjosës . Lumi Vjosa është lumi më i madh i egër në Evropë. Janë 300 kilometra rrjedhje të pandërprera nga burimi i saj në malet në Greqi në detin Adriatik. Lumi është jetësor i rëndësishëm për më shumë se 1,100 lloje të peshqve të ujërave të ëmbla dhe është kulturor i rëndësishëm për njerëzit në Shqipëri. Dje, Parlamenti Evropian nxiti autoritetet shqiptare "të krijojnë sa më shpejt të jetë e mundur Parkun Kombëtar Vjosa, duke shtrirë tërë gjatësinë e lumit”, shkruan di Caprio.
Aktori i njohur Leonardi di Caprio ka mbështetur nismën për mbrojtjen e lumit të Vjosës në Shqipëri që nga viti 2019. Ai është shprehur kundër vendimit për të ndërtuar hidrocentrale në Vjosë, që është edhe një nga lumenjtë e 'egër' në Evropë. Di Caprio ka qenë aktiv vazhdimisht për çështjen e Vjosës, i cili ka reaguar edhe vitin që lamë pas në lidhje me deklaratën e kryeministrit Edi Rama më 25 shtator ku refuzoi zyrtarisht të japë leje për projekte HEC-esh në Vjosën e poshtme. Por, edhe këngëtarja Ellie Goulding i është bashkuar fushatës për mbrojtjen e lumit Vjosa nga HEC-et. Goulding është shprehur se këto ndërtime do të dëmtonin kultura të shumta dhe të larmishme të rajonit duke nxitur edhe ndotjen e shkatërrimin e klimës.
Kryetarja e LSI, Monika Kryemadhi ka ripostuar mesazhin e aktorit të njohur Leonardo Di Caprio për mbrojtjen e lumit Vjosa. Kryemadhi teksa falenderon Di Caprion thotë se 25 prilli është një beteje për të ardhmen e Shqipërisë dhe mbi të gjitha të rinisë së vendit tonë.
‘Edhe unë mbështes Vjosa Park Kombëtar Tani! Faleminderit Leonardio Di Caprio dhe të gjithë aktivistëve në mbrojtje të natyrës tonë dhe të burimeve natyrore nga duart e qeverisë. 25 Prilli është një betejë që Shqipëria të jetë shtëpi për të sotmen dhe të nesërmen e fëmijëve tanë’.
Presidenti Ilir Meta i është përgjigjur thirrjes së aktorit të njohur Leonardo Di Caprio, për mbrojtjen e Lumit Vjosa.
Ndërsa shpërndanë postimin e Di Caprio, në Twitter Meta shkruan se ai është i vendosur për të mos lejuar deri në 25 prill ndonjë vendim arbitrar për ndërtimin e hidrocentraleve në lumin Vjosa.
"Ne e duam Vjosën dhe përgjithmonë do ta mbrojmë atë! Faleminderit dhe mirënjohje Leonardo Di Caprio për solidaritetin tuaj frymëzues! Ne jemi të vendosur, deri në 25 Prill, të mos lejojmë me mjete demokratike ndonjë vendim arbitrar për ndërtimin e hidrocentraleve në lumin Vjosa", shkruan Meta.
Pas thirrjes së aktorit të njohur Leonardo Di Caprio, drejtuar politikanëve shqiptarë për mbrojtjen e Lumit Vjosë, ka ardhur reagimi i kryetarit të Partisë Demokratike Lulizim Bashës.
Kreu i PD-së ka shpërndarë në Instagram, videon e postuar nga aktori i njohur, ku aktivistë në të gjithë Europën i kërkuan qeverisë shqiptare dhe Komisionit të Bashkimit Evropian të mbështesin Parkun e Vjosës.
Komente
Lajme të tjera
-
Meta sjell Llama 3: Çfarë ofron modeli më i ri i inteligjencës artificiale?
19 Prill, 18:16 -
PE dhe Këshilli i BE miratojnë planin e rritjes për Ballkanin Perëndimor! 6 mld euro për vendet e rajonit
4 Prill, 15:01 -
Europa dyfishon blerjen e armëve, shtetet që kanë shitur më shumë SHBA-ja dhe Franca
11 Mars, 15:32 -
Fundi i rrjetit social
10 Mars, 08:56 -
Dhoma e Përfaqësuesve në Florida miraton projektligjin që ndalon mediat sociale për personat nën 16 vjeç
26 Janar, 09:02 -
Programi i Ndërkombëtarizimit, Rama: Mbështetëm universitetin 'Aleksandër Moisiu' për ngritjen e Laboratorit të Studimeve Europiane
25 Janar, 19:43 -
Nominimet për çmimet 'Oscar', lihen jashtë Leonardo DiCaprio dhe Margot Robbie! Kryeson 'Oppenheimer'
23 Janar, 23:06 -
OBSH: 1.4 milionë jetë të shpëtuara në Evropë nga vaksinat kundër COVID-19
20 Janar, 20:14 -
A është Evropa gati për kthimin e mundshëm të ish-presidentit Trump në Shtëpinë e Bardhë
20 Janar, 17:11 -
Droga e të varfërve/ Çfarë është kaptagon dhe nga vjen? Rrezikon përhapjen edhe në Evropë
26 Dhjetor 2023, 15:26 -
Në parkun Kombëtar të Vjosës do ngrihet qendra për promovimin e natyrës, shpallet kompania fituese! Rama-mesazh BE-së: Ruajtëm lumin e fundit të egër në Evropë
6 Dhjetor 2023, 10:45 -
Stuhia ‘Ciaran’ ‘nënshtron’ Europën, shënohen 7 viktima, vendet europiane mbyllin shkollat
2 Nëntor 2023, 19:53
O like injoranti e kokemadhi, mona surrat kali e lulka e shoket e tij e paskan paguar me leket e droges Di Caprio qe ju passa bere gjithe kete publicitet. Cudi si nuk paska dhene mesazh asnje personalitet shqiptar ne migrim. Besoj se ata njohin mire liken, monen e lulken
Përgjigju