POP 5

Lajmet më të lexuara të 5 minutave të fundit

Kronikë

Dy shpërthime me tritol në Fushë-Krujë dhe Nikël, s'ka të lënduar (VIDEO)

Lënda plasëse në Fushë-Krujë i është vendosur garazhit në pronësi të 58-vjeçarit, Ramazan Çenia. Ndërsa në Nikël është vendosur në hyrjen e një mobilerie. 

FUSHE KRUJE - Një shpërthim tritoli ka ndodhur në lagjen "Punëtori" të Fushë-Krujës. Ngjarja ka ndodhur gjatë orëve të vona të mbrëmjes së djeshme. 

Lënda plasëse i është vendosur garazhit në pronësi të 58-vjeçarit, Ramazan Çenia, banor i qytetit.

Burime për Report Tv bëjnë me dije se Çenia është polic në burgun e Zaharisë. Më herët i kanë vënë tritol edhe makinës së djalit të 58-vjeçarit Çenia. Nga shpërthimi është dëmtuar një mjet tip "Benz" që ndodhej i parkuar në garazh dhe muret e pallatit.

Ndërsa shpërthimi i dytë ndodhi në një distancë të afërt kohore në një mobileri në fshatin Nikël të Fushë Krujës. Mobileria në Nikël është në pronësi të Enver Canit, 45-vjeç. Në zonë, Cani njihet si njeri pa probleme e konflikte.

Lidhur me ngjarjen policia ka arrestuar dy persona dhe ka shpallur në kërkim dy persona të tjerë. Të arrestuarit janë: D.Xh. dhe B.K. Këtij të fundit, gjatë kontrolleve në banesë i është gjetur një sasi kanabis.

Për të dyja ngjarjet policia ende nuk e ka bërë të mundur zbardhjen e shkaqeve të vënies së tritolit.

 

NJOFTIMI I POLICISË:

Krujë

Policia e Krujës zbardh dhe dokumenton ngjarjen e ndodhur mbrëmjen e djeshme në Nikel ku shpërtheu një sasi lënde eksplozive.

Në lidhje me ngjarjen vihen në pranga dy shtetas dhe shpallen në kërkim dy të tjerë.

Njërit prej autorëve të dyshuar i është gjetur në banesë dhe sekuestruar Cannabis Sativa. Janë vënë në pranga dy shtetas të dyshuar për kryerjen e veprave penale "Shkatërrimi i pronës me eksploziv " dhe "Mbajtja pa leje dhe prodhimi i armëve, armëve shpërthyese dhe municionit "parashikuar në nenet 152 dhe 278 të Kodit Penal, konkretisht:

• Është ndaluar me iniciativë shtetasi D.Xh. si autor i dyshuar;

• Është arrestuar në flagrancë shtetasi B.K. 

Shtetasit B.K. gjatë kontrollit të ushtruar në banesë i' u gjet dhe sekuestrua në cilësinë e provës materiale një sasi lënde narkotike e dyshuar e llojit Cannabis Sativa.

Materialet i kaluan Prokurorisë së Rrethit Gjyqësor Krujë për veprime të mëtejshme.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54