Shpërthimi i pompës së naftës së kompanisë 'Anio Oil' në Ballsh, arrestohet shefi i sigurimit teknik

Shpërthimi i pompës së naftës së kompanisë 'Anio Oil' në Ballsh, arrestohet shefi i sigurimit teknik

Nga vendngjarja

Ditën e djeshme një 50-vjeçar mbeti i plagosur pasi një pompë centrifugale në kompaninë e naftës 'Anio Oil and Gas Sh.a' ka shpërthyer në flakë.

Policia ka njoftuar sot se ka vënë në pranga shefin e sigurimit teknik pranë sektorit të dekantimit të kompanisë 'Anio Oil and Gas Sh.a', ku ndodhi ngjarja e rëndë. Sipas policisë nuk ishin marrë masat e sigurimit teknik, në sallën e pompave të sektorit të dekantimit.

"Specialistët për Hetimin e Krimeve në Komisariatin e Policisë Mallakastër arrestuan shtetasin E. A., 40 vjeç, banues në Fier (Shef i sigurimit teknik pranë sektorit të dekantimit në një kompani nafte).   Arrestimi i këtij shtetasi u bë pasi në datën 03.05.2021, në fshatin Kash, Mallakastër, për shkak të mosmarrjes së masave të sigurimit teknik, në sallën e pompave të sektorit të dekantimit të kompanisë së naftës ka shpërthyer një pompë centrifugale, ka marrë flakë tubacioni dhe për pasojë është dëmtuar me djegie operatori i prodhimit, shtetasi V. B., 50 vjeç, i cili ndodhet në spital, nën kujdesin e mjekëve.     Materialet i kaluan Prokurorisë pranë Gjykatës së Shkallës së Parë Fier, për veprën penale "Shkelja e rregullave të mbrojtjes në punë", thuhet në njoftimin e uniformave blu.

Kujtojmë se punëtori i plagosur është V. B, 50-vjeç, punonjës i kompanisë 'Anio Oil and Gas Sh.a'

K.T./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen