Shpërthimi me tritol në ishull Shëngjin, VIDEO kur dy autorët me motor i vënë lëndën plasëse servisit dhe largohen me shpejtësi

Report Tv ka siguruar videon e momentit kur i vendoset lëndë plasëse servisit në pronësi të Tol Mëhilli në fshatin Ishull Shëngjin, Lezhë.  Aty duket kur afrohet motori me 2 persona, identiteti i të cilëve nuk dihet ende, që hedhin lëndën plasëse dhe largohen menjëherë nga vendi i ngjarjes. Disa sekonda me pas shihet shpërthimi që ndodhi rreth orës 00:39 të së premtes.

Pranë servisit të makinave të servisit në pronësi të Tol Mëhilli, 58 vjeç, u hodh sasia e vogël lëndë plasëse, dhe si pasojë e shpërthimit të saj janë shkaktuar vetëm dëme materiale. Djali i pronarit të servisit Klaudio Mëhilli foli për ngjarjen duke treguar se ishin në gjumë në banesën që ndodhet një kat sipër servisit. Autorët u kapën nga kamerat e sigurisë të karburantit. 

Klaudio tregoi se nuk kanë konflikt me njeri dhe shpresojnë që ngjarja të zbardhet sa më shpejt nga organet kompetente.

"Shpërthimi ishte i fuqishëm, dhe u tronditëm të gjithë ndërsa vajza e vogël u tremb shumë. Në moment dolëm e gjithë familja jashtë dhe pamë xhamat e thyer të objektit. Ne nuk kemi asnjë konflikt. Shpresojmë që ta gjejë policia", tha Klaudio Mëhilli.

Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit.

 

Servisi i demtuar

 

 

Momenti i shperthimit

 

 

Autoret largohen me motor

 

Autori me kembe pas vendosjes se tritolit

 

A.M./Shqiptarja.com

TAG:
• Lezhe
• tol mehilli
• klaudio mehilli
• ishull shengjin