X

POP 5

Lajmet më të lexuara të 5 minutave të fundit

Bota

Shpërthimi në Bejrut/ Zbardhen letrat që porti i kishte dërguar qeverisë: Çfarë të bëjmë me nitrat amoniumin? Rruga që ndoqi anija dhe si përfundoi në Liban

Të paktën 135 persona janë nxjerrë të pajetë nga rrënojat teksa 4000 të tjerë kanë mbetur të plagosur nga shpërthimi i fuqishëm në Liban. Kur kanë kaluar më shumë se 24 orë nga ai moment tragjikë që mori qindra jetë njerëzish e që shkatërroi një qytete të tërë, vendi është përfshirë nga një valë pakënaqësie ndaj zyrtarëve të qeverisë, sipas së cilëve neglizhenca e tyre solli pasoja katastrofike.

LIBAN- Të paktën 135 persona janë nxjerrë të pajetë nga rrënojat teksa 4000 të tjerë kanë mbetur të plagosur nga shpërthimi i fuqishëm në Liban. Kur kanë kaluar më shumë se 24 orë nga ai moment tragjikë që mori qindra jetë njerëzish e që shkatërroi një qytete të tërë, vendi është përfshirë nga një valë pakënaqësie ndaj zyrtarëve të qeverisë, sipas së cilëve neglizhenca e tyre solli pasoja katastrofike.

Ato akuzojnë autoritet korrupsion, neglizhencë dhe keqmenaxhim. "Unë e kam ditur gjatë gjithë kohës që ne udhëhiqemi nga njerëz të paaftë, një qeveri jo kompetente [...] Por po ju them diçka, ajo që kanë bërë tani është absolutisht kriminale", u shpreh një banor në Bejrut.

Ditën e djeshme qeveria njoftoi se një numër i zyrtarëve të portit janë në arrest shtëpiak në pritje të përfundimit të hetimeve, teksa Këshilli i Lartë i Mbrojtjes këmbëngul që ata të konsiderohen përgjegjës dhe të marrin dënimin maksimal. Ministrja e informacionit, Manal Abdel Samad masa arrest shtëpie do të caktohet për të gjithë zyrtarët e portit të cilët janë ruajtur sasinë e nitrat amonit dhe e dokumentuar atë që nga qershori i 2014.

Nitrati i amonit arriti në një anije me flamur nga Moldavia, "Rhosus" cili hyri në portin e Bejrutit pasi pësoi probleme teknike gjatë udhëtimit të tij nga Gjeorgjia për në Mozambik. Sipas një raporti të publikuar në mediat ndërkombëtare, kjo anije u inspektua dhe u ndalua që të largohej, e pas kësaj pronarët e braktisën.

Sipas zyrtarit të qeverisë Salim Aoun, përfaqësues nga dogana i kanë shkruar qeverisë të paktën 6 herë nga 2014 deri në 2017 duke kërkuar udhëzime se çfarë do të bënin me këtë sasi nitrat amoniumi. Ato propozonin një sërë zgjidhjesh, që përfshinte urimin e nitratit të amonit në Ushtrinë Libaneze, ose shitjen e saj në ndërmarrjen private të shpërthimeve. Në fund asnjë përgjigje.

Rendit zhvillimet sipas orarit:
Ora 09:04
Momente shprese në Bejrut, një vajzë e vogël gjendet e gjallë nën rrënoja pas 24 orëve (VIDEO)

Një vajzë e vogël u gjet e gjallë në Bejrut pasi kaloi 24 orë nën rrënoja. Në kryeqytetin Liban është kaluar një mbrëmje e furishme në kërkimin e personave të zhdukur nën rrënojat e shkaktuara nga shpërthimi i fuqishëm. Përmes dritës së pishtarit, ekuipazhi i shpëtimit duket teksa po largon rrënojat nga koka e vajzës, e cila fatmirësisht u gjet e gjallë.

Ministri i Shëndetësisë raportoi se nga shpërthimi kanë vdekur të paktën 135 persona, megjithëse kjo shifër pritet të rritet, dhe 5,000 janë plagosur.

Të afërmit e njerëzve të zhdukur janë futur nëpër rrënoja për të kërkuar të dashurit e humbur. Mëngjesin e sotëm një burrë u nxorr i gjallë nga rrënojat e një ndërtese apartamentesh. Ndërkohë, qytetarë të tjerë të dëshpëruar filluan kërkimet për të dashurit e tyre në internet dhe në spital, pasi dhjetëra njerëz u raportuan të zhdukur. Midis tyre ishin punëtorë në portin ku ndodhi shpërthimi dhe një zjarrfikës, që u dërgua të shuante flakët në momentin e parë të ndezjes së zjarrit, përpara se të ndodhte shpërthimi i madh.

Ndërkohë një infermiere u etiketua në rrjetet sociale si një hero, pasi shpëtoi tre foshnje të porsalindura nga një spital, që ishte copëtuar nga vala e fuqishme e shpërthimit.

 

B.K./Shqiptarja.com

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Kosova akuzon Serbinë se ka ndaluar 10 nga pjesëtarët e policisë së saj

Kosova akuzon Serbinë se ka ndaluar 10 nga pjesëtarët e policisë së saj

18 Prill, 07:15