Shpërthimi në 2020 në pallatin në ndërtim të biznesmenit Liman Gjoka në Lezhë, në pranga porositësi

Shpërthimi në 2020 në pallatin në ndërtim të biznesmenit Liman Gjoka në Lezhë, në pranga porositësi

Ndertesa ku ndodhi shperthimi

3 vite e gjysmë pas shpërthimit me tritol në objektin në ndërtim të biznesmenit Liman Gjoka në zonën e Ranës së hedhur në Shëngjin, policia e Lezhës ka arrestuar një person të dyshuar si porositës i ngjarjes.Zef Kola banues ne Tirane është ndaluar me urdhër te prokuronit të çështjes Françesk Ganaj, i cili pas hetimeve me metoda speciale ka arritur te zbardhë plotësisht këtë ngjarje. Si autor te vendosjes se lëndës plasëse me herët janë dënuar me burg nga gjykata e Lezhës dhe 2 autoret Erald Pajtani me 4 vite burg dhe Angli Stafuka me 2 vite heqje lirie. Zef Kola u ndalua nga Policia e Lezhës me urdher të prokurorit të çështjes Françesk Ganaj, në kuader të operacionit "Eksplozivi"

Kujtojmë se ngjarja e rëndë ndodhi më 20 nëntor. Kjo ishte hera e parë e cila u ndoq nga një shpërthim i dytë në harkun kohor të 3 javëve, kur u sulmua serish me lëndë plasëse objekti në fjalë.Në dëshminë e tij në polici biznesmeni Liman Gjoka ka deklruar se pronën ku po ndërton e ka blerë shumë vite më parë dhe se nuk ka asnjë konflikt. Por pavarësisht pretendimeve të tij pista krysore e hetimit është ajo e konflikteve të pronësise, por nuk përjashtohet mundësia se ngjarjet mund të kenë ardhur dhe për shkak të konkurencës.

Biznesmeni Liman Gjoka po ndërtonte hotel dhe apartamente për shitje në bregun e detit në zonen e ranës së hedhun në Shëngjin. Kjo zonë turistike mjaft e lakmuar është kthyer në kantier ndërtimi, pas miratimit të planit strategjik të zhvillimit të saj.

Biznesmeni Liman Gjoka

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shqiptari arratiset nga burgu në Zvicër

Shqiptari arratiset nga burgu në Zvicër