Presidenti Aleksandër Vuçiç mbajti këtë të dielë një konferencë të posaçme lidhur me hedhjen në erë të kanalit të ujit Ibër-Lepenc, në Zubin Potok të Kosovës.
Vuçiç tha se ngjarja pasoi me sulme hibride ndaj Serbisë dhe mohoi kategorikisht përfshirjen e Beogradit në goditjen e infrastrukturës jetike në Kosovë.
“Dje ka pasur një tentativë për një sulm të madh hibrid ndaj vendit tonë, në valën e parë kanë akuzuar Beogradin dhe Serbinë se janë pas shpërthimit në Zubin Potok dhe Beogradi e Serbia nuk kanë lidhje me ato ngjarje”,- tha Vuçiç.
Po ashtu, presidenti Vuçiç tha se nga hetimet e deritanishme nga autoritetet serbe janë mbledhur disa informacione se kush mund të jetë autori i sulmit, por nuk dha detaje të mëtejshme.
“Kemi disa dyshime të caktuara, por hetimi do të tregojë se kush e ka urdhëruar. Mendoj se kemi disa njohuri për atë se kush mund të jetë kryerësi”, tha Vuçiç.
Ai theksoi se autoritetet në Beograd, në përputhje me Marrëveshjen e Brukselit, janë të gatshme për bashkëpunim jo vetëm me EULEX-in dhe KFOR-in, por edhe me Prishtinën.
Për më tepër, presidenti Vuçiç deklaroi se kishte ftuar partnerët amerikanë të kontrollonin pamjet satelitore.
“I kam ftuar partnerët amerikanë të kontrollojnë pamjet satelitore. Po zhvillojmë hetime edhe në Beograd dhe kemi mbledhur informacione për disa individë, duke u interesuar se ku kanë qenë. Interesi ynë kryesor është të zbulojmë të vërtetën. Më vjen keq për deklaratën e Borellit”,- tha Vuçiç.
Ndër të tjera, kreu i shtetit serb tha se 7 nga 8 personat që u arrestian nga policia e Kosovës, si autorë të dyshuar të ngjarjes, janë liruar.
Vuçiç theksoi se institucionet kompetente në Beograd do të vazhdojnë hetimet, duke informuar në mënyrë periodike opinionin publik për çdo zbulim.
Kanali i ujit Ibër-Lepencit në veri të Kosovës që furnizon me ujë nga Liqeni i Ujmanit disa qytete të vendit, si dhe Korporatën Energjetike të Kosovës për ftohjen e termoelektranave të saj, u hodh në erë mbrëmjen e 29 nëntorit në fshatin fshatin Varagë të komunës së Zubin Potokut, në veri.
Tetë persona të arrestuar dhe një arsenal i tërë armësh i zbuluar - përfshirë eksploziv dhe uniforma ushtarake - është bilanci i operacionit të bastisjes që policia e Kosovës ndërmori më 30 nëntor në veri të vendit, pak orë pasi u hodh në erë kanali i ujit Ibër- Lepenci.
Në një konferencë të jashtëzakonshme ministri i Brendshëm i Kosovës, Xhelal Sveçla krah drejtorit të Policisë, Gazmend Hoxha tha se bastisjet janë kryer në 10 lokacione të ndryshme në veri, i banuar me shumicë serbe.
Të arrestuarit dyshohen për lidhje dhe nxitje të sulmeve të fundit në veri, mes tyre dhe hedhja e granatave të dorës në Zveçan dhe shpërthimin në kanalin e Ibër-Lepencit.
Ministri përsëriti se Kosova e mban përgjegjëse Serbinë për sulmin terrorist në kanalin e Ibër-Lepencit por dhe ato të ndodhura brenda 72 orësh
Aleksandër Vuçiç
Për presidentin serb Aleksandër Vuçiç. hedhja në erë e kanalit të ujit Ibër-Lepenc në Zubin Potok të Kosovës, ka qenë inskenim i kryeministrit Albin Kurti. Në konferencën për shtyp që dha sot nga Beogradi lidhur me ngjarjen, ai renditi 5 arsye pse Kurtit do i levderiste të organizonte një goditje të asaj përmase ndaj infrastrukturës jetike të Kosovës.
Sipas tij, Kurti pas këtij akti donte të fuste ushtrinë në veri, ta shpallte Listën Serbe organizatë terroriste, do të përfitonte pikë në sondazhe para zgjedhjeve, do të dëmtonte rrugën europiane të Serbisë dhe do të vijonte shtypjen e serbëve në veri.
“Do të tregoj pesë arsye pse ndodhi. A e dini se çfarë ndodhi 9 minuta pasi gjoja u njoftua Kurti? Nuk ishte shumë surprizë për të.
1-Pas nëntë minutash, KFOR-it iu drejtua kërkesa për stacionimin e FSK-së në veri të Kosovës.
2-Të mërkurën ka bisedime në Bruksel. Dhe të gjithë e dinë se Serbia po përparon më shpejt. Kjo është arsyeja pse ishte e rëndësishme që Serbia të mos ishte pjesë e gjithë historisë me Berlinin dhe Parisin. Kjo është arsyeja pse ata donin të bënin të njëjtën skemë si një vit më parë, pasi të mërkurën do të merret një vendim nëse do të hapen kapitujt për ne apo jo.
3-Deri në datën 12 mbyllen listat për zgjedhjet që do të mbahen më 9 shkurt. Është e nevojshme që Lista Serbe të shpallet organizatë terroriste që të mos marrin pjesë në zgjedhje.
4-Po flasim për përfitime zgjedhore personale, me pretendimin që ai të mbronte pavarësinë e Kosovës nga serbët e këqij.
5-Dhe e pesta është një përpjekje për të shtypur më tej komunitetin serb, duke bastisur shtëpitë dhe duke ua bërë jetën njerëzve ferr.”
Aleksandër Vuçiç
Pak orë pas hedhjes në erë të një pjesë të kanalit të ujit Ibër-Lepenc, me anë të cilit furnizoheshin me ujë disa qytete të Kosoës si dhe Korporata Energjetike e Kosovës për ftohjen e termoelektranave të saj, policia kreu operacione blic në Veri, ku u zbulua një arsenal i rëndë municionesh, si dhe u arrestuan 8 persona.
Në deklaratën e tij drejtuar popullit serb, presidenti Aleksandër Vuçiç, tha se autoritetet kosovare arrestuan “njerëz që nuk kishin asnjë lidhje me sulmin dhe për këtë arsye shtatë prej tyre u liruan”.
“Kështu nuk zhvillohen hetime serioze, gjithçka ishte një shfaqje për opinionin ndërkombëtar”, tha ai.
Aleksandër Vuçiç
Presidenti serb Aleksandër Vuçiç mohoi kategorisht për të disatën herë, përfshirjen e Serbisë në sulmin në Zubin Potok, të ndodhur më 29 nëntor 2024.
“I kam ftuar partnerët amerikanë të kontrollojnë pamjet satelitore. Po zhvillojmë hetime edhe në Beograd dhe kemi mbledhur informacione për disa individë, duke u interesuar se ku kanë qenë. Interesi ynë kryesor është të zbulojmë të vërtetën. Më vjen keq për deklaratën e Borellit”,- tha Vuçiç.
“Faleminderit KFOR-it që refuzoi të pranojë forcat ilegale, Forcat e Sigurisë së Kosovës (FSK), në veri të Kosovës”,- përfundoi Vuçiç.
Aleksandër Vuçiç
Lidhur me shpërthimin në Zubin Patok, presidenti serb Aleksandër Vuçiç tha se Serbia ka “dyshime të caktuara se kush mund të jetë autori".
“Ne si shtet serioz nuk jemi marrë me akuzat. Hetimi do të tregojë, kemi dyshime të caktuara, mendojmë se kemi informacione të caktuara dhe kush mund të jetë autori“,- theksoi presidenti serb.
Vuçiç shtoi se institucionet kompetente në Beograd do të vazhdojnë hetimet, duke informuar në mënyrë periodike opinionin publik për çdo zbulim.
Ai tha gjithashtu se autoritetet në Beograd, në përputhje me Marrëveshjen e Brukselit, janë të gatshme për bashkëpunim jo vetëm me EULEX-in dhe KFOR-in, por edhe me Prishtinën.
“Ne jemi të hapur dhe absolutisht të gatshëm për të biseduar”,- tha Vuçiç.
Lajme të tjera
-
Jakin Marena: Pakti ‘toksik’ Kurti-Vuçiç që prodhon kriza, vota e pushtet
30 Nëntor, 21:33
-
Shpërthimi në Zubin Potok, Shqipëria i jep Kosovës energji elektrike
30 Nëntor, 20:54 -
Shpërthimi në kanalin e Ibër-Lepencit, MSH: Uji që kalon në të nuk është i pijshëm
30 Nëntor, 20:49 -
'Më përgjoheshin bisedat me mamin ditë e natë', Adelina Ismaili: Më kërcënonin! S'dola nga shtëpia 3 muaj
30 Nëntor, 20:35 -
Kimete Berisha: Kanali i Albin Kurtit
30 Nëntor, 20:21
-
Forca e Sigurisë së Kosovës aktivizohet për ruajtjen e infrastrukturës kritike, Kurti: Të përkushtuar për garantimin e mirëqenies së qytetarëve
30 Nëntor, 19:21 -
Spahiu: Sovraniteti dhe kufijtë e Kosovës garantohen nga NATO dhe Amerika, jo nga Vetëvendosja
30 Nëntor, 18:03 -
Shpërthimi në Ibër-Lepenc, në veri të Kosovës/ Policia: Mund të jenë përdorur 15 - 20 kg eksploziv! 8 të arrestuar, dyshohet se kanë lidhje me 'Brigadën e Veriut' e 'Mbrojtja Civile'! Sveçla: Serbia financoi
30 Nëntor, 18:00 -
Sulmi në Ibër-Lepenc, gazetari Venhar Isufi: Akt Terrorist që dëmton Infrastrukturën Kritike të Kosovës
30 Nëntor, 15:53 -
PYETJE PERGJIGJE/ Çfarë dihet deri më tani lidhur me sulmin ndaj kanalit të ujit të Ibër-Lepencit? Kush janë 'Mbrojtja Civile', 'Brigada Veriore' dhe roli i Radoiçiç
30 Nëntor, 13:39 -
Hidhet në erë kanali i ujit në Zubin-Potok, reagon Tirana zyrtare e opozita: BE t'i heqë sanksionet Kosovës! Rama: Akt sabotazhi! Begaj telefonon Osmanin: Ju mbështesim në hetim
30 Nëntor, 09:49 -
Eksploziv kanalit të ujrave Ibër-Lepencit, SHBA, BE e Gjermania dënojnë sulmin: Kriminale, autorët të identifikohen! Mbështesim qeverinë e Kosovës për hetim të plotë
30 Nëntor, 08:12
