Shpronësimet te 'Unaza e Re', ARRSH ngre tre grupe pune: Dorëzimi i kërkesave, brenda dhjetorit (Dokumenti)

TIRANE - Kreu i ARRSH, Afrim Qendro ka urdhëruar ngritjen e tre grupeve të punës për shpronësimet që parashikohen të bëhen nga projekti i rehabilitimit të segmentit rrugor nga “Sheshi Shqiponja” deri të mbikalimi pranë “Pallatit me Shigjeta”. Më herët, ARRSH publikoi foton nga lart të objekteve që preken nga projekti i zgjerimit të rrugës. Njëkohësisht, kreu i ARRSH, Afrim Qendro u shpreh se do rivlerësohen të gjitha banesat që preken nga rruga, pas pretendimeve të banorëve se vlerësimi i shtëpive është bërë jo me çmimin e tregut. 

Projekti i zgjerimit të rrugës prek rreth 300 objekte, një pjesë e konsiderueshme e të cilave janë ndërtime pa leje. Banorët janë ngritur në protestë prej 18 ditësh duke kundërshtuar projektin, pasi më parë kërkojnë dëmshpërblimet. Edhe sot ata bllokuan rrugën e "Unazës së Re", duke shkaktuar kaos në trafikun e automjeteve. Nga ana tjetër kryeministri Edi Rama u shpreh sot se qeveria nuk do dëmshpërblejë zbatuesit e rrugës. 

Grupet e punë të ngritura nga ARRSH për shpronësimet e Unaza e Re

Kërkesat për shpronësime duhet të dorëzohen brenda dhjetorit
Detyrat që duhet të kryejë grupi i punës, sipas urdhrit të firmosur nga kreu i ARRSH, Afrim Qendro janë matja dhe vlerësimi i të gjtiha pasurive që preken nga projekti i zbatimit. Kryerjen e të gjithë korrespondencave me institucionet shtetërore për marrjen e dokumentacionit dhe konfirmimeve që nevojiten për plotësimin e kërkesës për shpronësim.

Dorëzimi i kërkesave për shpronësim, sipas urdhrit të kreut të ARRSH, duhet të kryhet brenda muajit dhjetor. Në urdhër saktësohet gjithashtu se në bashkëpunim me institucionet shtetërore, ekspertët e ARRSH duhet të kryejnë matjet, të bëjnë vlerësimin si dhe të përgatisin dokumentacionin tekniko-ligjor për kapital siç përcaktohet në ligj apo aktet nënligjore për të gjitha pasuritë shtetërore që preken nga projekti i zbatimit. 

TAG:
• UNAZA E MADHE
• protesta e astirit