‘Shqipëria turistike’/ Lini, fshati që duket sikur 'kridhet' në ujërat e Ohrit në Pogradec! Mrekullia e natyrës dhe 'Tava e Koranit', specialiteti i shtëpisë së Rozës

Në rubrikën "Shqipëria turistike" këtë herë jemi në fshatin Lin të Pogradecit që shtrihet buzë liqenit të Ohrit, dhe gjithnjë e më shumë po frekuentohet nga turistët e huaj.

Mirëseardhja në juglindje të serviret me pamjen e gadishullit të Linit, që të shfaqet menjëherë sapo zbret Qafëthanën. Por ajo që më së shumti tërheq vëmendjen, është telajoja me shumë ngjyra e gadishullit, një oaz çlodhje veshur me cilësi.

E nisim rrugëtimin tonë në Lin të Pogradecit nga mozaiku i bazilikës, që daton në shekujt IV-V. Sot është i ekspozuar pjesërisht për vizitorët, pasi autoritetet vendase e mbrojnë atë nga fenomenet natyrore, por edhe nga dora e njeriut. Në fund të gadishullit gjendet një nga kishat më të çuditshme, mbase e vetmja kishë bunker. Sistemi komunist në vitin 1967 shembi kishën  3 shekullore të “Shën Nikollës” dhe ndërtoi një bunker. Pas rrënjës së komunizmit në vitin ’90, bunkeri i ndërtuar në vendin e kishës, pa u dëmtuar u kthye sërish në kishë ku banorët kryejnë ritet fetare.

Në fshatin turistik janë ndërtuar rishtazi bujtina që mirëpresin me qindra turistë nga mbarë bota. Ne do të ndalemi tek "Shtëpia e Luleve" në qendër të fshatit, që turistët i thonë shtëpia e Rozës duke e identifikuar me zonjën e shtëpisë. Mes shumë detajesh, spikasin kostumet etnografike, qilimat e punuar në vegël, që familja Bicja i ka ruajtur me fanatizëm.

Zhvendosemi në kuzhinë, ku Roza do të gatuajë specialitetin e zonës, “Tavën e Koranit”

Turistët që po pushojnë tek shtëpia e Rozës ndajnë me ne eksperiencën e tyre.  

"Ndihem vërtet i mirëpritur nga banorët këtu. Edhe  ushqimi është i mire. Sot do bëjmë një tur të vogël përreth 5 km dhe nesër do shkojmë tek kisha dhe tek mozaiku. Më pëlqeu aq shumë saqë me siguri do kthehem përsëri.”- tha një banor i zonës.

‘Njerëzit janë miqësorë, çdo mëngjes na përshëndesin, kemi parë kafshë të ndryshme, mënyrën se si ata punojnë tokat, pra ky fshat e tregon mjaft mire jetën shqiptare.’- tha një zonjë.

‘Këtë vend të bukur (Linin) e gjeta duke kërkuar në internet dhe ja ku jemi.’- tha një vajzë.

‘Është një vend vërtet i bukur, i cili ngjan me liqenin e Komos në Itali".’- tha një djalë.  

Turistët largohen nga Lini me premtimin se do të rikthehen përsëri!

G.MO/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord me nismën e PS për të larguar nga funksionet publike bashkëpunëtorët e ish-sigurimit?



×

Lajmi i fundit

‘Më tha hajde se nuk do të bëjë gjë, pastaj më nguli thikën’, konflikt mes dy të rejave në Greqi! Shqiptari i la takim gruas dhe të dashurës në të njëjtin vend

‘Më tha hajde se nuk do të bëjë gjë, pastaj më nguli thikën’, konflikt mes dy të rejave në Greqi! Shqiptari i la takim gruas dhe të dashurës në të njëjtin vend