Shuhet në moshën 89-vjeçare shkrimtari disident Mehmet Myftiu

Shkrimtari disident Mehmet Myftiu u shua sot në moshën 89-vjeçare.  Homazhet në nderim të tij do të mbahen në datë 25 dhjetor, ora 12.00 pranë shtëpisë së funeralit “Alba”. Shkrimtari Ismail Kadare për të ka thënë për të se: “Mehmet Myftiu ka qenë edhe vazhdon që të jetë miku im prej më shumë se 40 vitesh, ishte shkrimtari i parë me mendime të lira që kam njohur në jetën time”.

Në moshën 12-vjeçare, Mehmet Muftiu, i lindur në 1930-n, u internua në kampin nazist të Prishtinës, ku shpëtoi rastësisht nga vdekja. Pas çlirimit punoi si gazetar duke iu kushtuar në të njëjtën kohë letërsisë. Ai guxoi që të verë në dyshim ligjet e realizmit socialist edhe të mbrojë të drejtën e shprehjes së mendimit të shkrimtarit Kasëm Trebeshina.

Autoritetet komuniste e dërguan në internim, ku lindi jo vetëm romani i tij autobiografik me titullin “Shkrimtari”, që u dënua si reaksionar nga regjimi, por edhe shumica e poezive, që u botuan para një viti, pas 65 vitesh në librin “Nuk i dua thinjat”.

Mehmet Myftiu u deklarua “Armik i popullit” edhe iu hoq e drejta e botimit. Për njëzet e pesë vjet rresht ai punoi si shitës cigaresh në një kinkaleri. Veprat e tij janë botuar pas rënies së diktaturës, edhe dallohen për origjinalitetin e tyre.  Mehmet Myftiu është gjyshi i artistes Elina Duni edhe babai i shkrimtares Bessa Myftiu.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet