Shuhet në Paris në moshën 82-vjeçare mjeshtri i madh i artit, Ilia Terpini

Ndahet nga jeta në Paris në moshën 82-vjeçare mjeshtri i madh i artit, Ilia Terpini. Lajmin e trishtë e ka dhënë përmes një statusi në Facebook, bashkëpunëtori i tij Kujtim Gjonaj. Kineasti i mirënjohur është një nga personazhet e rëndësishëm të historisë se kamerës e fotografisë shqiptare. Kujtim Gjonaj thotë se Ilia kishte shkuar në Paris për një kontroll rutinë, ndërsa atje u shua. Disa nga filmat e njohur që ka xhiruar Ilia Terpini janë; ‘Dimri i fundit’, ‘Balle për balle’, ‘I teti ne bronz’, ‘Mësonjëtorja’ etj.

SOT MU LARGUA NJE MIK I MIRE!

Një telefonatë nga Zhani Terpini, djali i mikut tim gati gjysëm shekullor Ilia Terpini më kumtoi lajmin e keq dhe të hidhur...Ilia na la...Kishte shkuar në Paris për një kontroll rutinë dhe Parisi i artit dhe kulturës, e mori në gjirin e tij artistin e madh. Sot, atje në qytetin e ëndrrave artistike, pushoi së rrahuri zemra e një njeriu të madh, e një miku të mirë, e një bashkëpunëtori dhe kolegu të aftë, e një artisti të shquar, që zor se mund ti afrohet përkushtimit të tij ndonjë kineast tjetër. U shua Ilia Tërpini, njeriu që ia përkushtoi tërë jetën deri në sekondat e fundit, artit më të ri, por nga më të dashurit, artit filmik. Kinemaja shqiptare humbi një ndër artistët e saj më të shquar, familja njeriun e dashur, ne miqtë dhe kolegët e tij njeriun e apasionuar dhe të pa përtuar. Lamtumirë miku dhe bashkëpunëtori im afërt Ilia, dashuria jote për artin, ishte aq e madhe, sa dhe shpirti të fluturoi në qiell mbi qytetin e madh të artit. Paris!

LEXO EDHE:
Kërkoi leje për t’u betuar si kryebashkiak i Himarës, Gjykata e Lartë nuk pranon rekursin e Fredi Belerit

Statusi në Facebook i Kujtim Gjonajt

TAG:
• Ilia Terpini

Sondazhi i ditës:

A ka politika frikë nga SPAK-u?

• Po

  68.8%

• Jo

  26.4%

• Nuk e di

  4.8%

Vota total: 3039

• Sondazhi i ditës:

  A ka politika frikë nga SPAK-u?

  Po Jo Nuk e di