Shuhet zjarri në Gramsh, pemët shekullore bëhen shkrumb e hi! Ja çfarë lanë pas flakët

Pas dy ditësh lufte me flakët, zjarrfikësit e Gramshit kanë mundur të shuajnë zjarrin në pyllin e malit të Koshnicës, njësia Skëndërbegas.

Ajo që la pas zjarri është një pamje e dhimbshme, pyjet të djegura, pemë të shkrumbuara duke krijuar një pamje të trishtë, kur nuk shikon më kurorën e gjelbër të pyjeve.

Flakët përpinë me dhjetëra hektarë pyje, pisha, pemë shekullore dhe shumë gjallesa e kafshë që pyllin e gjelbra e të gjallëruar nga jeta, e kishin shtëpinë e tyre. Sot kjo ka mbetur vetëm në fantazinë tonë, pasi pamja e mbetur është e shkretë, pa jetë.

Në këtë zonë është hera e dytë që bie zjarr dhe ka qenë i qëllimshëm. Autoritet i bëjnë thirrje njerëzve të tregohen të përgjegjshëm, pasi një gjest i vogël i pamenduar, kushton me dhjetra e qindra hektarë të djegur pyje. Në skenarin më të keq, rrezikon banesat dhe shtëpitë e banorëve.

Terreni malor, distanca e madhe, era e fort favorizuan zjarrin e rënë, por në fund gjithçka mbaroi.

Lajmi kryesor:

Shqipëria 'në flakë' nga veriu në jug! Zjarret vijojnë prej ditësh, në terren zbret dhe ushtria! Pamje me dron nga Kurora e gjelbër e Semanit (VIDEO)

/r.k./Shqiptarja.com

TAG:
• zjarr
• gramsh