Shërohet nga koronavirusi djali i deputetes së PS-së: E ngazëllyer t'i uroj tim biri shëndet dhe jetë

Shërohet nga koronavirusi djali i deputetes së PS-së: E ngazëllyer t'i uroj tim biri shëndet dhe jetë

TIRANË - Djali i deputetes së Partisë Socialiste, Antoneta Dhima, ka fituar betejën me COVID-19. Ai është mes 67 të shëruarve deri më tani nga koronavirusi. Lajmin e mirë e ka dhënë nëna e tij deputete përmes një postimi publik në Facebook ku nuk ndan falenderimet për bluzat e bardha.

Çfarë shkruan deputetja

E lumtur dhe e gëzuar që biri im e mposhti armikun e padukshëm, atë armik me të cilin shumë të tjerë po vijojnë betejën. Falenderimet shkojnë për të gjitha bluzat e bardha, mjekët, infermierët, epidemiologët, imazheristët, laborantët dhe stafet mbështetëse, në Fier, Tiranë e kudo. Jeni ju që luftoni në frontin e parë të kësaj lufte globale, një lufte që me këmbëngulje e forcë ne do ta fitojmë. 

Edhe pse nuk zgjodha të jepja lajmin për nisjen e kësaj lufte, jam e ngazëllyer që tani i uroj tim biri shëndet dhe jetë, dhe po i njejti urim shkon për të gjithë Ju, që vazhdoni të kuroheni nga ky virus, që nuk zgjedh, duke na kujtuar se të gjithë jemi të barabartë.

Faleminderit të gjithëve për sakrificën e pamasë që bëni në këtë periudhë të vështirë. Qofshi të bekur të gjithë Ju që mjeksinë nuk e keni thjesht një profesion, por një mision që ju vendos përditë përballë sfidave, edhe të panjohura.

Faleminder edhe të gjithëve Ju miq dhe mikesha që në këto ditë të vështira më qëndruat pranë me mesazhet e telefonatat Tuaja, duke treguar se miqtë më të mirë, janë ata që nuk të harrojnë në ditë të vështira.  Ne vazhdojmë të qëndrojmë në shtëpi, bëjeni dhe Ju.  Dhe kujtoni, që vetëm bashkë do tja dalim.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjeshta: 01/04/2020 20:27

    E pac me jetë! Por mbushja mendjen edhe atij spurdhjakut tënd që është i barabartë me të tjerët. Jam i sigurtë që deri tani nuk ja ke thënë asnjëherë!

    Përgjigju
  • Hinglateri: 01/04/2020 17:55

    E ruajtet Zoti e paste jeten e gjate.

    Përgjigju
  • Real: 01/04/2020 17:48

    Kujt po i plas per djalin e deputetes. Pse ata te tjeret qe se kan mamin deputete nuk jane bir e bija nenash qe po luftojne me vdekjen. Madhesia e varrit e njejte eshte si per deputetet edhe per te pasurit edhe per te varferit.

    Përgjigju
    • Like: 01/04/2020 19:55

      Nje bravo te madhe real epo atyre kshu i duket sikur jane zoti ka ardhur dita as per deputet as per nje nuk pyet i madhi zoti po injoranca vazhdo

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja