Ceka: Historia i parashikon tërmetet, janë ciklike! Nikolla: 3 arsyet se përse opozita ka dështuar politikisht (VIDEO)

Në studion e Report Tv, Albert Nikolla, këshilltar bashkiak në Tiranë ka renditur disa arsye, pse sipas tij kontributi politik i opozitës në këtë situatë pas tërmeti lë shumë për të dëshiruar.

"Opozita thotë po mblidhemi me ekspertët, si mund ta bëjë opozita këtë? unë po mblihdem për hesap im, ti vazhdo jetën tënde. Sulmi që i është bërë ekspertëve shqiptar që marrin pjesë në Komitetin e Rindërtimit, si Bozo, janë akuzuar sikur bëjnë koperturë qeverisë. Afërsia dhe propozimi konkret i Ramës, që nëse ke projekte konkrete eja të diskutojmë. Basha refuzon, opozitën e shikoj në një gjendje dramatike me një projekt politik", tha Nikolla.

"Një ogur i mirë"! kështu e quajti politikani Neritan Ceka zgjedhjen e Olsian Çelës, si kryeprokuror. Ai tha se nisja e hetimeve dhe hapja e dosjes së tërmetit duhet të niste nga Arta Marku.

"Ogur i mirë i kryeprokurorit. Ka një përgjegjësi të qartë, nuk duket i politizuar dhe jep një mesazh të mirë për Reformën e mirë. Nisja e hetimeve për dosjen e 'tërmetit' duhet ta kishte bërë Arta Marku, do jetë një mësim të mirë për ata që kanë vënë në plan të parë fitimin, mashtrimin", tha Ceka.

Ish-anëtari i Këshillit të PD-së, Ervin Kulluri ka bërë ironi me kryeministrin Edi Rama, sipas së cilit pjesën më të madhe të ditës është në TV, duke lënë pas dore çështje të rëndësishme sa i përket mënyrës së administrimit të situatës pas tërmetit.

Në përgjigje të këshilltarit Bashkiak, Albert Nikolla i cili tha se Rama ka përgatitur një masterplan për rindërtimet, Kulluri u shpreh: Rama rri 7 orë në TV, ku e gjeti kohën për të bërë masterplane dhe të marrë vendime? Duhet të ulesh ta bësh, të caktosh vendin. Duhet ta korrigjosh, duhet të thuash ide, jo masterplan

Në rolin e arkeologut, Neritan Ceka, u ndal të fliste për dëmet që ka lënë tërmeti në Durrësin antik. Për shkak të numrit të lartë të viktimave apo edhe dëmeve të shumta materiale, ky qytet antik është lënë "në harresë". Një pjesë e bedenave ka pësuar dëme, por sipas Cekës, ky dëm fatmirësisht është i riparueshëm.

"Ka rënë një pjesë e bedenave, por është një gjë që rregullohet nuk është katastrofike. Historia duhet të na e kishte thënë me kohë, që tërmetet janë ciklike, por Durrësi është pika e dobët. Tërmetet më shkatërruese kanë qenë në Durrës. Ky vend nuk ka rreziqe katastrofike. Vetëm duhet ndërtuar mirë dhe ky është mësim i madh. Në Durrësin antik kishte një farë rrëmuje", tha Caka.