Komiteti i Ekspertëve: Administrata, punonjësit e supermarketeve e të qendrave tregtare të vaksinohen deri më 31 dhjetor ose çdo 5 ditë do kërkohet test

Punonjësit e administratës publike, të supermarketeve dhe të qendrave tregtare që akoma nuk kanë marrë vaksinën e COVID do të duhet të vaksinohen deri më 31 dhjetor. Kështu bëri me dije sot Komiteti Teknik i Ekspertëve, duke i futur këto kategori në listën e atyre që e kanë vaksinimin të detyruar. Kryetarja e Komitetit Teknik të Ekspertëve, Mira Rakacolli bëri me dije se duke filluar nga data 4 janar, atyre do t'u kërkohet të paraqesin certifikatën e vaksinimit, ose në të kundërt duhet të dorëzojnë test PCR negativ çdo 5 ditë.

"Duke u bazuar në situatën epidemiologjike, në rritjen e qarkullimit të virusit Omicron në Europë dhe faktit që stina e dimrit rrit mundësinë për marrjen e infeksionit Sars Cov2, Komiteti ka vendosur: Duke filluar nga dita e sotme, çdo qytetar +18 vjeç mund të bëjë dozën përforcuese pasi ka kaluar 6 muaj nga doza e dytë. Pas vendimit për vaksinimin e mësuesve dhe studentëve, Komiteti ka marrë vendim që deri me datën 31 dhjetor, të gjithë punonjësit e administratës publike, punonjësit e supermarketeve dhe qendrave tregtare që nuk janë vaksinuar, të vaksinohen, pasi me datën 4 janar do të kërkohet karta e vaksinimit ose prova e testit PCR negative çdo 5 ditë", tha Rakacolli.

Masat e reja u morën nisur nga rreziku për shkak të variantit Omicron dhe mundësia e përhapjes së COVID në periudhën e dimrit. Po ashtu Komiteti Teknik i Ekspertëve rekomandoi ndalimin e hyrjes së shtetasve të huaj në Shqipëri me histori udhëtimi brenda 14 ditëve të fundit në vendet e Afrikës së Jugut: Kenia, Angola, Zambia, Bostwana dhe Senegal, ku është identifikuar prania e variantit Omicron të COVID. Për shtetasit shqiptar rezidentë, që vijnë në vendin tonë dhe kanë histori udhëtimi 14 ditët e fundit para mbërritjes në këto vende do të karantinohen në shtëpitë e tyre për 14 ditë.

Situata me pandeminë në vend u vlerësua si e qëndrueshme nga Ekspertët e Komitetit Teknik dhe për këtë arsye u lanë në fuqi të njëjta masa që vijojnë prej disa muajsh.

Ndërkohë shefja e Epidemiologjisë në ISHP, Silva Bino tha se është evidentuar një rritje e rasteve të reja tek fëmijët.

"Situata epidemiologjike paraqitet e qëndrueshme në krahasim me dy javë më parë. nuk kemi rritje të rasteve, përkundrazi kemi një ulje të lehtë. Kemi një situatë të qëndrueshme. Në gjithë tre javëshin e fundit kemi një situatë të njëjte. Ajo që vëmë re është një rritje tek grupmoshat e reja dhe pediatrike, 0-4, si dhe nga 5-15 vjeç. Kemi pasur vatra në disa shkolla, të cilat janë menaxhuar siç duhet, duke u zbatuar të gjitha udhëzimet e dhëna nga ISSH. Kemi rritje të mbulesës vaksinale, ku shkon deri në 48%. Kemi rritje në bashkitë e mëdha dhe një rritje mbi nivelin kombëtarë që shkon mbi 52%. Kërkojmë të kemi një rritje të numrit të të vaksinuarve. Nga ana tjetër infeksionet, ndërhyrëse janë 10 herë më të larta, tek ato që janë të pavaksinuar. Ka filluar procesi i dozës së tretë, e cila po ecën me ritme të njëjta me aplikimin e dozës së parë dhe të dytë", tha Bino. 

Ndërkohë më herët gjatë ditës së sotme u bë me dije se çdo qytetar mbi 18 vjeç tashmë mund të vaksinohet me dozë të tretë përforcuese kundër COVID, 6 muaj pas marrjes së dozës së dytë. Me dozën e tretë u vaksinua sot edhe kryeministri Edi Rama, teksa i bëri thirrje qytetarëve që mos të hezitojnë të vaksinohen për të mbrojtur shëndetin e tyre.

Masat anti-COVID që janë në fuqi:

Masat e tjera vijojnë si më poshtë:

-​Ora policore vijon me orën 23:00 – 06:00.

-​Vijon që qytetarët që hyjnë në Republikën e Shqipërisë, nga të gjitha pikat kufitare apo ata që kalojnë tranzit, duhet të vijojnë të dorëzojnë një nga dokumentet e mëposhtme:

•​Pasaportë vaksinimi, ku data e vaksinës së fundit të ketë të paktën dy javë e aplikuar nga data e hyrjes në kufi.

•​Test PCR, të kryer brenda 72 orëve ose testin e shpejtë antigenic brenda 48 orëve të hyrjes në kufi.

•​Provë të kalimit të infeksionit Sars-Cov-2 të vlefshme deri në 6 muaj pas shërimit.

•​Përjashtim nga rregullat e përcaktuara në pikën 2, bëhet për fëmijët deri në moshën 6 vjeç.

•​Qytetarët rezidentë të Republikës së Shqipërisë dhe që nuk kanë asnjë nga dokumentet e përmendura në pikën 1, duhet të vetë izolohen për një periudhë 10 ditore dhe të informojnë autoritetet shëndetësore për të kryer një test në fund të periudhës së izolimit.

-​Vijon që në strukturën e aerorporteve do të lejohen të hyjnë vetëm pasagjerët që udhëtojnë, të cilët duhet të zbatojnë me rigorozitet mbajtjen e maskës ashtu sic është rekomanduar sipas protokollit të ndryshuar.

-​Vijon të mbetet në fuqi që në të gjithë institucionet shëndetësore, moslejimi i hyrjes së familjarëve për personat që janë të shtruar.

-​Vijon të mbetet në fuqi urdhri  për përdorimin e maskave në ambiente të mbyllura, në qendra tregtare, supermarkete, dyqane etj, e në të gjithë ato vende ku nuk sigurohet distancimi fizik.

-​Vijon të mbetet në fuqi urdhri për lejimin e grumbullimeve deri në 50 persona dhe të aktiviteteve kulturore, sportive etj deri në 30% të kapaciteteve të tyre me prezencë të spektatorëve.
 

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Auto shkaterrim: 03/12/2021 01:10

    Çeshte autoshkaterrimi? Kur një popull vetshkaterrohet!

    Përgjigju
  • Mirara Kacolli: 02/12/2021 16:12

    Bino e Rakacolli mos e gdhifshi naten sot!

    Përgjigju
  • Papagalli: 02/12/2021 15:40

    Po Berisha qe i mbush sallat plot e perplot pse nuk e hap gojen zonja Rakacolli qe ti cosh policime dhe ti shperndash?

    Përgjigju
    • Loni: 02/12/2021 16:11

      Ta kishin arrestuar qenin. Bashke me ate zagarin Rama qe ben vaksine dhe rri pa maske.

  • Koha e re: 02/12/2021 14:54

    Kjo nuk eshte e drejte

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit