Skandali me naftën 'virxhin', Gjykata e Tiranës dënon me 10 vite burg Adrian Xhillarin

Gjykata e Tiranës ka dënuar me 10 vite burg biznesmenin Adrian Xhillari i akuzuar për skandalin e naftës bruto. Po me vendim të Gjykatës Penale janë lënë të lirë Lule Njebza, ish-zv/drejtore e Doganave si dhe për Mirarbër Teneqexhin, ish-drejtor i doganës së Tiranës. 

Vendimi për Xhillarin u dha në mungesë pasi ai është i arrestuar në Gjermani që prej datës 1 shkurt, pas shpalljes në kërkim ndërkombëtar nga autoritetet shqiptare 2 vite më parë. Prokuroria e Tiranës kërkoi në shkurt të këtij viti 23 vite burg për tre të pandehurit. Përkatësisht, akuza kërkoi 15 vite burg për biznesmenin si dhe 10 heqjen e të drejtës për të ushtruar funksione publike për 10 vite.

Pesë vite burg është kërkuar për ish zv.drejtoreshën e Doganave Lule Njebza me akuzën e shpërdorimit të detyrës si dhe 5 vite heqjen e të drejtës për ushtrimin e funksioneve publike. Si dhe tre vite burg për Mirarbër Teneqexhiun për veprën penale të “Shpërdorimit të Detyrës”. 



(Vendimi i Gjykatës së Tiranës për Xhillarin dhe zyrtarët e doganave)

Adrian Xhillari akuzohet për skandalin me naftën virxhin, nga kompania Tea Construcion & Petrol e cila sipas prokurorisë ka hedhur në treg rreth 4.4 mln litra naftë të papërpunuar. Sipas Prokurorisë ky skandal i ka shkaktuar buxhetit të shtetit një dëm prej miliona eurosh si dhe pasoja teknike për automjetet e qytetarëve që janë furnizuar me naftë bruto e cila është tregtuar si cilësore. Pritet të nisin procedurat përt ekstradimin e Xhillarit në Tiranë ku edhe do të vuajë dënimin e dhënë nga Gjykata Penale. 

LEXO EDHE:
3 orë debate, PS braktis Komisionin Hetimor të Shëndetësisë! Vokshi: Po pengojnë hetimin

TAG:
• nafta virxhin
• adrian xhillari

Sondazhi i ditës:

A ka politika frikë nga SPAK-u?

• Po

  68.9%

• Jo

  26.4%

• Nuk e di

  4.7%

Vota total: 2998

• Sondazhi i ditës:

  A ka politika frikë nga SPAK-u?

  Po Jo Nuk e di