Polici ngacmoi studenten, Dekani i Juridikut: Rrisni sigurinë!

Ka reaguar dekani i Fakultetit të Drejtësisë në Shkodër për rastin e ngjarjes së skandalit seksual, në universitetin e këtij qyteti për ngacmimin nga një efektiv policie të një studente, brenda ambienteve të këtij fakulteti.

Në prononcim dekani i fakultetit të Shkodrës Roland Dodani tregoi se rasti ishte i përsëritur dhe se fillimisht ishte informuar nga stafi i kolegëve të tij, që personi abuzues ishte një efektiv policie. Dekani u shpreh se u njoftua përmes dy ankesave të marra në datën 11,12 shkurt duke theksuar se kjo ngjarje është e rëndë dhe ka cënuar  integritetin stafit pedagogjik e të studentëve dhe studente.

Më 11 shkurt dekani është informuar nëpërmjet dy ankesave rreth orës 15 për një incidenti të ndodhur në tualetin e femrave ku një person i gjinisë mashkullore ngacmoi seksualisht disa femra. Ngjarja e datës 12 lidhet ngushtësisht me disa ngjarje të zhvilluara një ditë më parë. Kemi informuar rektorin dhe administratorin e USH. Është kërkuar hapja e kamerave të sigurisë dhe identifikimi i personit në fjalë dhe denoncimi i tij, si edhe marrjen e masave për rritjen e sigurisë në USH. Për fat të keq ky është një problem i theksuar disa herë nga ana jonë por mungesa e veprimit dhe papërgjegjshmëria, çoi në përsëritjen e ngjarjes.

LEXO EDHE:
Macron i përmend Kurtit Asociacionin teksa flet për rrugën e Kosovës në Këshillin e Evropës

Roland Dodani, Dekani i Fakultetit të Drejtësisë Shkodrës

Ndërkohë, dekani i fakultetit Dodani u shpreh se efektivi i policisë u demaskua nga vetë studentët të cilët sinjalizuan sjelljet e çuditshme dhe pati gatishmeri nga ana e policisë për të vepruar në kohë në lidhje me rastin duke arrestuar personin në fjalë.

Me 12 shkurt 2019  në ambientet e Fakultetit të Drejtësisë u sinjalizua nga studentët prania e një personi me sjellje të çuditshme, i cili është vetëdeklaruar si efektiv i policisë duke treguar dokumentin e policisë dhe armën që posedonte me vete. Ai është bllokuar nga studentët bashkë me rojën private duke e shoqëruar drejt daljes nga godina. Gjithashtu studentët kanë njoftuar dekanin dhe është informuar policia në orën 14:16.Pak minuta më vonë ka mbërritur patrulla e policisë që ka shoqëruar personin në fjalë duke konfirmuar se ishte koleg i tyre.

Roland Dodani, Dekani i Fakultetit të Drejtësisë Shkodrës

 Reagimi i dekanit vjen pas publikimit në media të ngacmimit të një studenteje nga një efektiv policie në ambientet e Fakultetit Juridik në Shkodër. Efektivi i policisë u  arrestua nga kolegët e tij,  dy ditë më parë pasi akuzohet se ka ngacmuar seksualisht një studente në ambientet e Fakultetit J të drejtësisë në qytetin e Shkodrës, ku vajza studionte. 

/b.ha./Shqiptarja.com