Sonte caktohet finalisti i dytë, Anglia e nis si favorite! Holanda shpreson te 'hajmalia' Gapko

Sonte caktohet finalisti i dytë, Anglia e nis si favorite! Holanda shpreson te 'hajmalia' Gapko

Gapko i Holandës dhe Saka i Anglisë

Në Sigal Iduna Park do luhet sonte, duke nisur nga ora 21:00, gjysmëfinalja e dytë e Evropianit Holandë-Angli, me ‘tre luanët’ të ciltë kuotohen si favoritë për finalen e 14 korrikut kur i pret Spanja.

Asnjë përfaqësuese nuk ka mungesa, ndërsa kjo do jetë përballja e 23 mes dy përfaqësueseve. Anglia, që nuk ka bindur në këtë Evropian, ka 7 fitore, 6 Holanda, ndërsa 9 ndeshje janë mbyllur në barazim. Deri më tani në fazën finale të Evropianit dy kombëtaret janë përballur 2 herë me njëra-tjetrën. Në 1996 Anglia fitoi kundër Holandës 4-1 në fazën e grupeve, ndërsa në 1988 po në të njëtën fazë Holanda mposhti Anglinë 3-1. Në atë kampionat Evropian më vonë Holanda do shpallej kampione, duke ngritur trofeun e vetëm që gëzon edhe sot e kësaj dite.

‘Tulipanët’ në gjysmëfinale vijnë pas fitores 3-0 në 1/8 kundër Rumanisë dhe në çerekfinale 2-1 kundër Turqisë, ndërsa Anglia edhe pse favorite si në 1/8 ashtu edhe në çerekfinale është kualifikuar me penallti. Nëse dy shtesat do ndikojnë në këmbët e lojtarëve të Southgate kjo mbetet për tu parë sonte.

Te Anglia sytë i kanë te treshja e sulmit Kane, Saka dhe Foden, por pa harruar Bellingham, ndërsa te Holanda shpresat janë te Cody Gapko, pasi konsiderohet si lojtari i ndeshjeve të mëdha.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

Tenis/ Alcaraz është 'mbreti' i Wimbledon, nxjerr në pension Novak Djokovicin

Tenis/ Alcaraz është 'mbreti' i Wimbledon, nxjerr në pension Novak Djokovicin