Përcillet me duartrokitje në banesën e fundit kolosi i muzikës, Avni Mula! Margariti: E trishtë që s'u ndamë dot siç e meritonte! Basha: Dhimbje e madhe (VIDEO)

TIRANË- Shuhet në moshën 92 vjeçare kompozitori e baritoni i shquar Avni Mula, ndërsa sot u përcoll me duartrokitje në banesën e fundit.

Avni Mula, kolos i muzikës shqiptare i vlerësuar me "Artist i Popullit" dhe "Nderi i Kombit".

Ai u lind  në Gjakovë më 1928. Studimet e larta muzikore i kreu në Konservatorin “Çajkovski” të Moskës (1952-1957), ku u diplomua si këngëtar lirik, bariton. Gjatë studimeve u njoh dhe u martua me sopranon ruse Nina Mula. Karrierën artistike Avni Mula e nisi menjëherë pas kthimit nga Moska si solist në Teatrin e Operës dhe Baletit, duke realizuar role kryesore të repertorit operistik të kohës, përmes së cilave u dallua për nivelin e lartë të zgjidhjeve muzikore-skenike.

Veçohen realizimet e figurës së Figaros te “Berberi i Seviljes” të Rosinit, Gjetës tek “Mrika” e Prenk Jakovës, etj. Avni Mula zhvilloi një aktivitet të pasur koncertal brenda dhe jashtë Shqipërisë. Veprimtarinë krijuese e nisi në gjysmën e dytë të viteve 60', fillimisht në fushën e këngës e të romancës dhe më pas si autor i veprave të mëdha vokale-koncertale, kantata, poema vokale dhe skenike, ku veçohen opereta “Karnavalet e Korçës” dhe opera “Borana”.

Firmën e tij mbajnë edhe shumë këngë të muzikës së lehtë, mes të cilave “Valsi i lumturisë”. Është babai i dy vajzave artiste, Adelinës pianiste dhe sopranos Inva Mula.

Rendit zhvillimet sipas orarit:
Ora 13:58
Me zërin që i dridhej, Inva Mula: Rroftë Avni Mula, rroftë arti shqiptar

Sopranoja e njohur Inva Mula e përlotur dhe me zërin e dridhur ka folur shumë shkurt në ceremoninë e të atit, kompozitorit te njohur Avni Muli i cili ndërroi jetë një natë më parë. “Këtu filloi arti i lirisë. Rroftë arti, rroftë Avni Mula, rroftë arti shqiptar”, u shpreh Inva Mula.

Ora 12:55
Margariti: E trishtë që artistë si Avni Mula nuk mund të përcillet në banesën e fundit siç e ka merituar

Ministrja e Kulturës, Elva Margariti ka shprehur ngushëllimet për ndarjen nga jeta të kolosit të muzikës shqiptare, Anvi Mula teksa shtoi se është e trishtuar që në këtë periudhë artistët nuk po mund të përcillen në banesën e fundit siç meritojnë.

"Kjo periudhë nuk e di nëse është pandemie që na ka bërë më sensibël dhe i është shtuar dozës së trishtimit, si në aktivitet dhe mos pasja e mundësisë që ta përcillnim ashtu siç do kishim dëshirë. Jam besim që vepra që kanë lënë pas është një vepër që u flet të gjithë brezave, por edhe tek të rinj. Homazhet te Universiteti i Arteve është një simbolikë që flet dhe dialogon edhe më mirë dhe për të zgjuar ndërgjegjësimin e tyre që nuk e i kemi fizikisht, janë për ne nder i kombit, jo thjesht fjalë që duhet thënë, por një realitet që edhe të rinjtë do e përcjellin gjithnjë e më tepër në veprat e tyre", tha Margariti.

Ora 12:45
Ndarja nga jeta e Avni Mula/ Basha: Dhimbje e madhe, por edhe ditë krenarie që kombi ynë pati në gjirin e saj një artist si ai

I pranishëm në homazhet e mbajtur në hollin e Akademisë së Arteve ishte edhe kryedemokrati Lulzim Basha, i cili tha se është një dhimbje e madhe, por edhe një ditë krenarie që kombi ynë pati në gjirin e tij një artist si Avni Mula.

"Një dhimbje e madhe, por është një ditë krenarie që kombi ynë pati në gjirin e saj një artist si Anvi Mula dhe kjo është ndër të paktat raste kur ceremonia shoqërohet me muzikë, artin e tij dhe t'i lutemi Zotit që t'i prehet shpirti në paqe", tha Basha.

Ora 12:18
Kompozitori Radoja: E vështirë të gjej fjalët! Avni Mula për mua ka qenë prind, mësues, shok e koleg

Kompozitori Robert Radoja e ka të vështirë që t'i gjejë fjalët për ndarjen nga jeta të Avni Mulës. Mes lotësh, ai vë theksin se në jetën e tij Mula ka luajtur një rol shumë të rëndësishëm.

"Shumë e vështirë për të gjetur fjalën e duhur sepse e kam pasur mësues, prind, shok, koleg, këshilltar dhe ndihmë gjithë jetën time, është shumë e vështirë të flasësh, të gjesh fjalën e duhur", tha kompozitori Robert Radoja.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 31/10/2020 00:51

    MOS u merzit shume moj margariti ,,se ty do te percjellim denjesisht me klarinete si shkatarruese e teatrit....

    Përgjigju
  • Hako: 30/10/2020 16:38

    Paksa modesti nuk do te bente keq.Te quhet Avni Mula kolos i muzikes, mendoj qe ekzagjerohet.Por, per aq sa u ka dhene kultures Shqiptare, meriton rrespekt dhe nderim.

    Përgjigju
  • redi: 30/10/2020 15:41

    Ju prefte shpirti ne paqe dhe i perjetshem kujtimi per legjenden e muzikes shqiptare te madhin Avni Mulen

    Përgjigju
  • Tir: 30/10/2020 14:28

    Ngushellime vajzave, familjes se madhe Mula, artisteve dhe gjithe dashamiresve te artit per humbjen e te madhit Avni Mula. Nuk e kuptoj ky gomari i presidences pse pa maske?? Fatkeqesi qe shkel ne kete ceremoni ky hajdut

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK