Sot u shkarkua/ Ligji: Muçi nuk duhet të ishte dekretuar në Kushtetuese pa kaluar vettingun

Sot u shkarkua/ Ligji: Muçi nuk duhet të ishte dekretuar në Kushtetuese pa kaluar vettingun

Besnik Muçi, sot pas vendimit të KPA

TIRANE-Sot Gjykata Kushtetuese ngeli me një anëtar më pak, pasi Besnik Muçi u shkarkua nga Kolegji i Posaçëm i Apelimit pasi nuk justifikon pasurinë. Por cfarë parashikon ligji për emërimin e anëtarëve të Gjykatës Kushtetuese? Neni 7/a, i ligjit organik të Gjykatës Kushtetuese në fuqi në Republikën e Shqipërisë thekson qartë se gjyqtari i Kushtetueses para se të dekretohet duhet që të ketë kaluar me sukses procesin e kontrollit të pasurisë dhe figurës, pra vettingun.

Por cfarë ndodhi në rastin konkret? Besnik Muçi kaloi shkallën e parë të vettingut, por pavarësisht se komisioneri publik ankimoi vendimin vijoi procesin e rrugëtimit drejt Gjykatës Kushtetuese në kundërshtim me ligjin, pasi Kolegji nuk e kishte thënë fjalën e fundit me vendim të formës së prerë. KED-ja, nuk duhet ta kishte listuar Muçin si kandidat për në Kushtetuese dhe Presidenti Ilir Meta nuk duhet ta kishte dekretuar.

Por kreu i shtetit e bëri fakt të kryer kalimin me sukses të vettingut për Muçin, bazuar vetëm te shkalla e parë, duke 'harruar' Kolegjin. Kjo bëri, që Muçi të dekretohej dhe të fillonte punën si anëtar i Gjykatës Kushtetuese, por vetëm për pak ditë, pasi sot u shkarkua nga detyra. Besnik Muçi akuzoi KLP-në se nuk shpalli përfundimin e mandatit të tij si magjistrat në momentin që u dekretua gjyqtar në Gjykatën Kushtetuese, por në fakt i zgjedhuri i Presidentit nuk e kishte mbyllur hesapin me drejtësinë.

Ligji per gjykaten Kushtetuese

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola