Spanja goditet nga përmbytje të shumta! Bllokohen hekurudhat, mijëra shtëpi pa energji elektrike

Një stuhi e forte ka goditur pjesë të ndryshme në Spanjë, duke shkaktuar përmbytje të mëdha në disa qytete, duke lënë mijëra njerëz pa energji elektrike dhe duke detyruar mbylljen e disa rrugëve dhe lidhjeve hekurudhore.

Qytetet bregdetare në rajonin verilindor të Katalonjës si dhe pjesë të Spanjës qendrore pranë Madridit, kanë përjetuar goditjen më të madhe.

Kryeministri spanjoll Pedro Sanchez shkroi se ai solidarizohet me zonat e prekura ndërsa u bën thirrje njerëzve që të jenë jashtëzakonisht të kujdesshëm dhe të ndjekin këshillat e shërbimeve të urgjencës.

Disa rrugë në Alcanar u shndërruan shpejt në përrenj, me përmbytje të mëdha që merrte para makina, mobilje dhe pemë drejt vijës bregdetare.  Asnjë viktimë nuk është raportuar.

Shirat dhe përmbytjet e forta u raportuan në rajonet qendrore të Castilla-La Mancha dhe Navarra, duke bllokuar linjën hekurudhore me shpejtësi të lartë midis kryeqytetit spanjoll Madrid dhe Toledos, tha administratori hekurudhor.

  • Sondazhi i ditës:

    A mund ta bëjë SPAK vettingun e politikanëve?

Komento


×

Lajmi i fundit

John

Shpronësohen pronarët e Sarajeve të Toptanëve, Veliaj: U sqarua njëherë e mirë kush e ruan e kush e djeg për politikë trashëgiminë e Tiranës