Spanja nderon viktimat e pandemisë së koronavirusit

Spanja nderon viktimat e pandemisë së koronavirusit

Zyrtarë spanjollë dhe të huaj, me maska të zeza në fytyrë, nderuan viktimat e pandemisë së koronavirusit dhe punëtorët shëndetësorë.

Ceremonia e së enjtes në Madrid u udhëhoq nga Mbreti Felipe VI dhe Mbretëresha Letizia.

Rreth 400 të ftuar jashtë Pallatit Mbretëror, përfshirë të afërm të disa viktimave, vendosën trëndafila të bardhë në një piedestal të zi.

“Ju nuk jeni vetëm në dhimbjen tuaj, është dhimbje e jona e përbashkët, është pikëllim që sot shprehet nga të gjithë spanjollët”, tha Felipe, duke iu drejtuar të afërmve të viktimave.

Spanja është një ndër vendet më të prekura në Evropë nga koronavirusi.

Mbi 257,000 njerëz janë infektuar atje dhe mbi 28,400 kanë humbur jetën.

Presidentja e Komisionit Evropian, Ursula von der Leyen, zyrtarë të tjerë të lartë të BE-së dhe shefi i Organizatës Botërore të Shëndetësisë, Tedros Adhanom Ghebreyesus, gjithashtu morën pjesë në ngjarjen në Madrid.

Sipas të dhënave të Universitetit Johns Hopkins, numri i rasteve pozitive me koronavirus në gjithë botën ka arritur në mbi 13.5 milionë.

Prej tyre, mbi 584,000 vetë kanë vdekur dhe mbi 7.5 milionë janë shëruar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ministri Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason

Ministri Mete në Këshillin Ekonomik Kombëtar: Javën e ardhshme miratojmë detajet e Garancisë për sektorin fason