Spitali i Traumës reagon për letrën e ish këshilltarit të Etilda Gjonaj: Për mjekimin e tij janë përdorur sete me standarde europiane, respektuam çdo protokoll

Spitali i Traumës reagon për letrën e ish këshilltarit të Etilda Gjonaj: Për mjekimin e tij janë përdorur sete me standarde europiane, respektuam çdo protokoll

Spitali i Traumës

Spitali Universitar i Traumës ka reaguar pas letrës së hapur të ish këshilltarit të Etilda Gjonaj për kryeministrin Edi Rama ku shprehu shqetësimin për sistemin shëndetësor në vendin tonë pas një incidenti që i ndodhi. Në reagim sqarohet se ish këshilltarit Toni Daans se është respektuar çdo protokoll për trajtimin e tij përfshirë konsultat me mjekun dhe rezultoi pa probleme neurologjike apo neurokirurgjikale.

Sqarimi i Spitalit Universitar të Traumës

Referuar publikimit në disa portale për rastin e një qytetari me shtetësi hollandeze, paraqitur në Spitalin Universitar të Traumës në datën 16 prill 2022, sqarojmë si më poshtë:

Z.Daans ka ardhur në urgjencën e Spitalit Universitar të Traumës në orën 23:30 të datës 16.04.2022, i shoqëruar dhe me përkthyes. Sipas vlerësimit të parë, gjendja e përgjithshme ishte e mirë. Pacienti referonte rrëzim në trotuar dhe ankohej për dhimbje të krahut dhe lëndim në fytyrë.

Sipas vlerësimit të mjekëve, pacienti paraqiste plagë sipërfaqësore rreth 4 cm në regionin frontal, gërvishtje të vogël në hundë dhe dhimbje gjatë lëvizjes së krahut të djathtë.

Pasi i janë bërë ekzaminimet radiografike të kokës, hundës dhe krahut, ka rezultuar vetëm dëmtim i kokës së radiusit (brrylit) që është trajtuar në mënyrë konservative, me imobilizim me gips, mbajtja e të cilit është rekomanduar për 3 javë, e më pas fizioterapi.

Janë përpunuar plagët nga Kirurgu i Përgjithshëm, Dr. Dritan Çobani, duke përdorur instrumenta dhe set mjekimi emergjence të standardizuar njëpërdorimësh, me barkode të ruajtura sipas rregullit, sete të cilat përdoren në të gjitha spitalet, sipas standardeve më të mira.

Pacientit në fjalë i është aplikuar gjithashtu serumi antitetanik.

Gjithashtu, është realizuar konsulta nga neurokirurgu Dr. Asllan Sela, nga e cila ka rezultuar pa probleme neurologjike apo neurokirurgjikale.

Pacienti është larguar bashkë me shoqëruesin në orët e para të datës 17.04.2022.

Mjekët dhe personeli referojnë se pacienti është larguar falenderues për shërbimin e marrë.

Z. Daans është rikthyer në mëngjesin e datës 17.04.2022 në SUT, në gjendje të përgjithshme shumë të mirë, pa ankesa, duke referuar se i duhej të udhëtonte me avion.  Dr. Asllan Sela, neurokirurg, e ka riekzaminuar dhe e ka pajisur me vërtetim me të dhënat mjekësore, diagnozën dhe që mund të udhëtonte pa probleme, vërtetim i cili është printuar dhe i është dorëzuar kërkuesit.

Stafi mjekësor i Spitalit Universitar të Traumës ka ndjekur me përpikmëri protokollet mjekësore për shtetasin hollandez dhe siguron të gjithë qytetarët shqiptarë dhe të huaj, që shërbimi ndaj tyre nuk do të mungojë në asnjë moment dhe se ekipi i mjekëve dhe infermierëve do të vijojnë të jenë në krye të shërbimit 24 orë në 7 ditë të javës për të bërë më të mirën për shëndetin e qytetarëve.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Takmaku: 27/04/2022 23:14

    Te keni turp,mir per leket qe rjepni pacientat,por kur njerezit nga spitalet shqiptare shkojne ne spitalet ne EVROPE mjeket vene durt ne koke me diagnozat tjeter-pertjeter qe nxirrni nga paaftesia juaj,dhe kurat qe jepni ju ata ja hedhin ne kosh pacientit Shqiptare.

    Përgjigju
  • Lapraka: 27/04/2022 17:18

    Te gjitha rrena i keni,ai ka tregu te vërtetën, por veni gishtin kokës,populli e din si esht gjendja ne spitale,doktorit e infermieret nuk Jan fare human,vetëm shikojnë sa lek po ju jep,korrupsion i gjall,njësoj ne te gjitha spitalet.

    Përgjigju
  • Bubi Kacarrel: 27/04/2022 16:58

    a kujtoni se po i ha njeri keto pallavra qe thoni ?!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ndërron jetë në moshën 82 vjeçare ish-senatori Joe Lieberman

Ndërron jetë në moshën 82 vjeçare ish-senatori Joe Lieberman