Sulm me thikë në metronë e Tokios, plagosen 10 persona! Autori: Pashë gra të gëzuara, desha t’i vras

Sulm me thikë në metronë e Tokios, plagosen 10 persona! Autori: Pashë gra të gëzuara, desha t’i vras

Një burrë ka sulmuar me thikë udhëtarët në një tren të Tokios në mbrëmjen e së premtes, duke plagosur dhjetë prej tyre.

I dyshuari 36-vjeçar i tha policisë se u zemërua kur pa disa gra që “dukeshin të gëzuara” dhe dëshiroi t’i vriste.

Një studente thuhet se është në gjendje më të rëndë ndërsa nëntë të tjerët kanë marrë lëndime më të lehta.

Krimet e tilla janë të rralla në Japoni dhe Tokio është nën masa të rrepta të sigurisë në kohën kur po zhvillohen Lojërat Olimpike.

Burri i dyshuar i sulmoi pasagjerët në trenin që ndodhej afër stacionit Seijogakuen rreth orës 20 e 40 minuta të së premtes.

Treni u ndal në mënyrë urgjente nga vozitësit, pasi ata dëgjuan zhurmë brenda vagonëve.

Sipas hetuesve, i dyshuari kërceu mbi binarë dhe iku nga vendi i ngjarjes, por më vonë hyri në një dyqan dhe i tha stafit se ai është i dyshuari për incidentin e raportuar në medie dhe se është lodhur duke ikur.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet